16:57 / 07.11.2020
408

Shotlandiyada bolalarni tarbiyalash maqsadida shapaloq urish taqiqlandi

Shotlandiyada bolalarni tarbiyalash maqsadida shapaloq urish taqiqlandi
“Express and Star” axborot portalining xabar berishicha, Shotlandiyada bolalarni tarbiyalash maqsadida ularga shapaloq urish taqiqlandi.
16 yoshdan kichik bolalarga jismoniy kuch ishlatishni taqiqlovchi qonun Shotlandiya parlamenti tomonidan o‘tgan yili ma’qullangan edi. Qonun bugun, 2020 yil 7 noyabrdan kuchga kirdi. Avval mamlakatda ota-onalar va vasiylar bolalarni bunday tartibda jazolashi mumkin bo‘lgan.

Dunyoda bolalarga shapaloq urish taqiqlagan birinchi mamlakat Shvetsiya bo‘lgan (1979 yil). Shotlandiya bunday davlatlarning 57 chisi bo‘ldi. Shuningdek, bu kabi qonun 2021 yil yanvarda Uelsda ham qabul qilinishi kutilmoqda. Angliya va Shimoliy Irlandiyada bu kabi qonun loyihalarini qabul qilish rejalashtirilmayapti.

«Shotlandiya Buyuk Britaniya qirolligidagi bolalarni xuddi kattalar kabi zo‘rlikdan himoya qiluvchi qonun qabul qilgan ilk davlat bo‘lganidan juda xursandman. Bolalarga munosabatda qattiqqo‘llikni oqlab bo‘lmaydi», – degan bola huquqlari bo‘yicha vakolatli vakil Meri Todd.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)