Foto: AP
Amerika ommaviy axborot vositalari Jo Baydenni AQSHning yangi prezidenti deb e’lon qildi. Ovozlarni hisoblash davom etmoqda. Donald Tramp saylov «hali yakunlanmagani», Baydenning g‘olib deb e’lon qilinishi yolg‘on ekanligini aytdi. Xorij siyosatchilari Baydenni g‘alaba bilan tabriklashni boshlab yuborishdi.
Uni birinchilardan bo‘lib Kanada bosh vaziri Jastin Tryudo qutladi.
«Jo Bayden va Kamala Harrisni muborakbod etaman. Mamlakatlarimiz — yaqin do‘stlar va ittifoqchilar. Biz dunyo sahnasi uchun o‘ziga xos munosabatlarga egamiz. Hamkorlikda ishlash va bu munosabatlarni rivojlantirish imkoniyatini sabrsizlik bilan kutmoqdaman», — deb yozdi u Twitter sahifasida.
Fransiya prezidenti Emmanyuel Makron «amerikaliklar o‘z prezidentlarini tanlaganliklari»ni qayd etarkan, Bayden va Harrisni qutladi hamda ularni “birgalikda ishlash”ga da’vat etdi.
Buyuk Britaniya bosh vaziri Boris Jonson o‘z tabrigida AQSHning muhim ittifoqchi ekanligini ta’kidladi va iqlim o‘zgarishidan tortib savdo va xavfsizzlikkacha bo‘lgan umumiy ustuvor yo‘nalishlarda hamjihatlikda ishlashni kutayotganligini bildirdi.
Moldova sobiq bosh vaziri Vlad Filat Facebook sahifasida AQSHning yangi prezidenti Moldova respublikasining do‘sti ekanligini ta’kidladi.
«Sayyorani tutib turgan bir necha kunlik zo‘riqishdan so‘ng Jo Bayden AQSHning 46-prezidentiga aylandi», — deb yozdi siyosatchi
Gretsiya hukumati rahbari Kiriakos Mitsotakis Baydenni haqiqiy do‘st deb atadi va uning davrida Vashington bilan Afina o‘rtasidagi munosabatlar yanada mustahkamlanishiga ishonch bildirdi.
London meri Sodiq Xon, Bayden va Harris g‘alabaga munosib ekanligini va «devorlar emas, ko‘priklar qurishga qaytish vaqti kelganligi»ni yozdi.
Baydenni shuningdek, Germaniya kansleri Angela Merkel, Fiji bosh vaziri Frenk Mbainimarama, Parij meri Ann Idalgo va Yevroparlament vitse-prezidenti Otmar Karas tabriklagan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!