Tramp Twitter’da Baydenning g‘alabasi haqida yozdi

^{Foto: Reuters}
AQSHning amaldagi prezidenti Donald Tramp o‘zining Twitter’ida AQSHdagi prezidentlik saylovlarida yuz berishi mumkin bo‘lgan nayranglar va unda Jo Baydenning g‘alabasi haqidagi Fox News telekanali syujetiga munosabat bildirdi, deb yozmoqda «RBK».

«U g‘olib bo‘ldi, chunki saylovlar soxtalashtirilgan. Ovoz berish va ularni hisoblashni nazorat qiluvchi hech qanday kuzatuvchilar yo‘q edi», — deb yozgan Tramp.

Uning so‘zlariga ko‘ra, Baydenning g‘alabasini «obro‘si tushgan» va yaroqsiz uskunalarga ega bo‘lgan Dominion xususiy kompaniyasi (ovoz berish uchun uskunalar va dasturiy ta’minot ishlab chiqaruvchi Dominion Voting Systems. — «RBK»), shuningdek, qonunbuzarliklar haqida sukut saqlayotgan OAVlar ta’minlagan.

Trampning ta’kidlashicha, saylov kechasida yuz bergan barcha mexanik nosozliklar (ovozlarni hisoblash boshlangan 3 noyabrdan keyingi tun nazarda tutilmoqda) demokratlarning ovozlarni o‘g‘irlashga urinishi edi. «Ular qo‘lga tushmasdan ko‘p narsaga erishdi. Pochta orqali ovoz berish — ahmoqona narsa», — deb yozgan Tramp.

Uning bildirishicha, Dominion Voting Systems tomonidan ishlab chiqarilgan ovoz berish mashinalari uning foydasiga hal bo‘lgan ovozlarni hisobga olmagan, shuningdek, uni Bayden foydasiga sanagan. Prezidentning ta’kidlashicha, Michiganda shunday yo‘l bilan uning 2,7 millionta ovozi o‘g‘irlangan.

NYT ma’lumotlariga ko‘ra, Michiganda haqiqatan ham byulletenlarni saylashda xatolik yuzaga kelgan, ammo u inson omili tufayli yuzaga kelgan va darhol bartaraf etilgan.

Bundan tashqari, Respublikachilar partiyasi vakillari: Vakillar palatasi spikeri Nensi Pelosi va Klinton oilasi Dominion Voting Systems’ga aloqadorligini ma’lum qilgan. Biroq The Washington Post’ning yozishicha, ushbu siyosatchilar kompaniyada ulushga ega emas.

Eslatib o‘tamiz, AQSHda prezident saylovi 2020 yil 3 noyabrda bo‘lib o‘tdi. 15 noyabr holatiga ko‘ra natijalar hali rasman e’lon qilinmadi. Amerika OAVlari Demokratlar partiyasidan nomzod Jo Baydenni g‘olib deb topdi, Tramp saylovdagi mag‘lubiyatini hali ham rasman tan olmagan. Bayden uning mag‘lubiyatini tan olishdan bosh tortishini sharmandalik deb atadi.

Trampning shtab-kvartirasi Demokratlar byulletenlarni qayta ishlash tartibini respublika kuzatuvchilaridan yashirayotganini ta’kidlab, bir nechta muhim shtatlarda qayta hisoblashni talab qildi. Ulardan biri – Jorjiyada ovozlar qo‘lda hisoblanadigan bo‘ldi. Federal prokuratura AQSH prezidentlik saylovlarida mavjud qoidabuzarliklarga oid hech qanday dalil topmaganligini aytgan saylovlaridagi qonunbuzarlikni tekshirishdan bosh tortdi. “Zamin” yangiliklarini “Facebook”da kuzatib boring