Foto: AP/TASS
OAV tomonidan AQSHdagi prezident saylovlarida g‘alaba qozongani e’lon qilingan Jo Bayden amaldagi prezident Donald Tramp saylovlar natijalari bo‘yicha da’volashib, o‘zini mas’uliyatsiz tutayotganini aytdi.
“Fikrimcha, biz aql bovar qilmas mas’uliyatsizlikning guvohi bo‘lmoqdamiz”, – deb aytgan Bayden matbuot anjumanda.
“Qolgan dunyoga demokratiya qanday faoliyat yuritishi haqida vayronkor xabarlar yo‘llanmoqda. Men uning (Trampning) motivlarini bilmayman, biroq bu mutlaq mas’uliyatsizlikdir”, – deb ta’kidlab o‘tgan Bayden.
Bayden Tramp Respublikachilar partiyasidan bo‘lgan mahalliy amaldorlarni shtat va okruglar darajasida saylovlar natijalarini tan olishdan bosh tortishga chaqirayotganiga ham to‘xtalib o‘tgan. “Prezident hozir qilayotgan ish aslida uni tarixga eng mas’uliyatsiz prezidentlardan biri sifatida kirishiga yana bir sabab bo‘ladi”, – deb ta’kidlab o‘tgan Bayden.
“Men aminmanki, u g‘alaba qozonmaganini va qozona olmasligini biladi va biz 20 yanvarda qasamyod qabul qilamiz”, – deb qo‘shimcha qilgan demokrat.
Bayden Umumiy xizmatlar boshqarmasi (GSA) rahbari Emili Merfi uning g‘alabasini ton olmayotganini va shu sababli unda muhim axborotni olishga imkon bo‘lmayotganini eslatib o‘tgan.
Bayden GSA’ga nisbatan sudga shikoyat qilinishi mumkinligi haqida to‘xtalib, bu variantni istisno qilmasligini, biroq u “ko‘p vaqt olishini” va pirovard natijada jarayonni tezlashtirmasligini ma’lum qilgan.
AQSH qonunchiligiga ko‘ra, GSA’ning Tramp tayinlagan operatori Bayden jamoasiga maxsus xizmatlar bilan ishlash va Oq uyning yangi ma’muriyatiga xodimlar to‘plashdan oldin Baydenning saylangan prezident ekanini rasman tan olishi kerak.
AQSHda 3 noyabrda o‘tgan prezident saylovlarida demokrat Jo Bayden ko‘pchilik ovoz to‘plab, g‘alaba qozongandi. Biroq Tramp demokratlarni saylovlarda firibgarliklar sodir etganlikda ayblab, o‘z mag‘lubiyatini tan olmayapti. Shu sababli u sud orqali bir nechta shtatda ovozlar qayta hisoblanishini talab qilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Germaniyaning Knauf kompaniyasi Rossiyadan butunlay chiqib ketishini tasdiqladi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Shveysariya prezidenti Putinga maktub yo‘lladi
Damas uchun onlayn kontraktatsiya ochiladi
