Foto: Getty Images
Yevropada ikkinchi lokdaunning atrof-muhit uchun ta’siri birinchi lokdaun samarasiga nisbatan ancha kamroq ahamiyat kasb etdi. Bu haqda Financial Times Copernicus monitoring agentligi ma’lumotlariga tayanib xabar berdi, deb yozadi «RBK».
Xususan, avtomobillar, shu jumladan, yuk mashinalari ishlab chiqaradigan azot dioksidi havoda o‘rtacha kamaygan, ba’zi hollarda hatto uning miqdori oshgan.
Sharqiy Angliya universitetining iqlim o‘zgarishlari fani professori Korin Le Kere aytishicha, ikkinchi lokdaun davomida azot dioksidi havoga chiqarilishining kamayishi birinchi lokdaun davrida kuzatilganining taxminan yarmini tashkil etgan. «Bu mashinalar tomonidan bosib o‘tilgan masofa hamda iqtisodiyotning qanchalik darajada falajlangani bilan bevosita bog‘liqdir», — deya aniqlik kiritdi professor.
Bahorgi cheklovlar mobaynida Yevropa shaharlarida havoni ifloslantiruvchi asosiy moddalar miqdori 50 foiz yoki undan ham ko‘proq pasaygan edi. Ammo hozir, masalan, Londonning Marilebon ko‘chasida noyabrda (yanvardagi ma’lumotlarga nisbatan) azot dioksidi ajralib chiqishining kamayishi 21 foizni tashkil etmoqda, mayda esa bu ko‘rsatkich 74 foizga pasaygan edi.
Trafikni kuzatib boruvchi navigatsiya va servislar uchun uskunalar ishlab chiqish bilan shug‘ullanuvchi TomTom kompaniyasi ma’lumotlariga ko‘ra, Yevropa shaharlarida harakatning kamayishi umuman yuz bermagan yoki ahamiyatsiz bo‘lgan. Masalan, Berlinda hozir trafik odatdagidan yuqoriroq. Rim, Madrid va Londonda trafik darajasi odatdagi kunlarga nisbatan 30 foizga kamroq bo‘lsa-da, baribir bahordagidan ancha yuqori.
Oktabr oxiri va noyabr boshida Yevropaning ko‘plab mamlakatlari COVID-19’ga chalinganlar soni o‘sishi tufayli cheklovlarni qaytadan joriy qila boshladi. Xususan, Buyuk Britaniya, Germaniya, Fransiya, Niderlandiya, Avstriya, Gretsiya va Polshada karantin joriy qilindi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Vladimir Putin «Krokus»da sodir etilgan terakt uchun o‘ch olishga chaqirdi
Damas uchun onlayn kontraktatsiya ochiladi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?