Forbes nashrining 2020 yilda dunyoning eng nufuzli 100 ayoli reytingida Germaniya kansleri Angela Merkel yetakchilik qilmoqda. E’tiborlisi, Merkel ushbu unvonga qatorasiga 10 yil sazovor bo‘lmoqda.
Forbes 2020 yil uchun dunyoning eng nufuzli 100 ayoli an’anaviy reytingini e’lon qildi. Joriy yilda unga 30ta davlat vakilalari, jumladan davlatlar rahbarlari, siyosiy arboblar, yirik kompaniyalar yetakchilari, qo‘shiqchilar va turli sohalarda faoliyat yurituvchi boshqa ayollar kiritilgan.
Reytingga ko‘ra, 1-o‘rinni qatorasiga o‘ninchi yil Angela Merkel egallamoqda. Nashr uning “po‘lat kabi mustahkam matonati” va AQSh prezidenti Donald Trampga qarshilik ko‘rsata olishini e’tirof etgan.
Reytingning yetakchi uchligiga Yevropa markaziy banki rahbari Kristin Lagard va AQShning bo‘lg‘usi vitse-prezidenti Kamala Xarris ham kiritilgan.
4-o‘rinni Yevrokomissiya prezidenti Ursula fon der Lyayen, 5-o‘rinni milliarder Bill Geytsning rafiqasi Melinda Geyts egallagan.
Yetakchi o‘nlikka, shuningdek, General Motors bosh direktori Meri Barr, AQSh kongressi vakillar palatasi spikeri Nensi Pelosi, ispaniyalik bankir Ana Botin, amerikalik tadbirkor ayollar Ebigeyl Jonson va Geyl Budro kiritilgan.
Joriy yilda reytingga koronavirus pandemiyasiga qarshi kurashga katta hissa qo‘shgan ayollar ham kiritilgan. Jumladan, 32-o‘ringa Yangi Zelandiya bosh vaziri Jasinda Ardern, 37-o‘ringa Tayvan yetakchisi Say Inven munosib topilgan.
Nashr Jasinda Ardernni Yangi Zelandiyada koronavirus epidemiyasi kuchaya boshlashi bilanoq qa’iy cheklovlar kiritilgani, Say Invenni esa Tayvanda yanvardayoq virusga chalinganlar va ular bilan aloqada bo‘lganlar ortidan kuzatuv tizimi joriy etilgani uchun e’tirof etgan.
Joriy yilda Britaniya qirolichasi Yelizaveta II 6 pozitsiyaga pastlab, 46-o‘rinni egallagan.
Shuningdek, reytingga TikTok ijtimoiy tarmog‘iga egalik qiluvchi Bytedance kompaniyasi rahbari Kelli Chjan (62-o‘rin) ham kiritilgan.
Reytingga, shuningdek, mashhur insonlardan amerikalik qo‘shiqchilar Rianna (69-o‘rin), Beyonse (72-o‘rin) va aktrisa Riz Uizerspun (92-o‘rin) kiritilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskvadagi terakt bo‘yicha yana uch kishi ushlandi
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Suvni tik turgan holda ichish mumkin emasligi ilmiy jihatdan isbotlandi
Rossiya qo‘shinlari Avdeyevkadagi ikkita qishloqni egallab oldi
Qahva va saraton: olimlardan zo‘r yangilik!
Emmanuel Makron: “Ukraina tez orada qulashi mumkin”
Rossiyaning harbiy operatsiyadagi manyovri Ukrainani hayratga soldi