13:17 / 11.01.2021
2 195

Qirg‘iziston prezidenti Sadir Japarovning rejadagi ilk tashrifi ma’lum bo‘ldi

Qirg‘iziston prezidenti Sadir Japarovning rejadagi ilk tashrifi ma’lum bo‘ldi
Foto: RIA Novosti
Qirg‘iziston prezidenti Sadir Japarovning ilk rasmiy tashrifi Qozog‘iston prezidenti Qosim-Jomart To‘qayev taklifiga binoan, qo‘shni Qozog‘iston Respublikasiga bo‘lishi ma’lum qilindi. Bu haqda Qozog‘iston prezidenti matbuot xizmati xabar tarqatgan.

Ta’kidlanishicha, 11 yanvar kuni davlat rahbarlarining o‘zaro telefon muloqoti tashkil etilgan va Qosim-Jomart To‘qayev hamkasbini saylovdagi ishonchli g‘alabasi bilan tabriklagan.

Tomonlar o‘zaro hamkorlik va do‘stlikni mustahkamlash masalalarida yakdillikni bildirgan. Shuningdek, To‘qayev yangi saylangan Qirg‘iziston prezidentini rasmiy tashrif bilan Ostonaga taklif etgan. Sadir Japarov ushbu taklifni qabul qilib, rozilik bildirgani aytilmoqda.

10 yanvar kuni Sadir Japarov 96,65 foiz saylov uchastkalaridan olingan natijalar hisob-kitob qilingandan keyin, 79,25 foiz ovoz bilan Qirg‘izistonda o‘tgan prezidentlik saylovida g‘alaba qozongani haqida xabar berilgandi.

Saylovlar natijalarini rasman 2 haftadan keyin e’lon qilish rejalashtirilgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)