17:23 / 21.01.2021
1 896

Tramp Baydenning inauguratsiyasiga bir soat qolganida BAA bilan qurol sotuvi bo‘yicha shartnoma imzolagan

Tramp Baydenning inauguratsiyasiga bir soat qolganida BAA bilan qurol sotuvi bo‘yicha shartnoma imzolagan
F-35 / Foto: Reuters
AQSH prezidenti Donald Tramp ma’muriyati saylangan prezident Jo Baydenning inauguratsiya marosimidan bir soat avval BAA bilan 50ta F-35 qiruvchi samolyotlari va 18ta dron sotilishi to‘g‘risida shartnoma imzolagan. Bu haqda o‘z manbalariga tayanib Reuters agentligi xabar berdi.

"Shartnoma Baydenning prezident lavozimiga kirishishiga bir soatcha qolganida imzolangan", - deyiladi xabarda.

Shartnomani dekabrda imzolash mo‘ljallangandi, ammo muddatlar, samolyotlar narxi borasidagi noaniqliklar tufayli muzokaralar yanvargacha cho‘zildi. BAAga F-35 qiruvchi samolyotlari yetkazib berilishining yakuniy muddati hozircha tasdiqlanmagan, ammo avvalroq bu 2027 yilda amalga oshirilishi rejalashtirilgandi.

Agentlikning ma’lumot berishicha, Tramp ma’muriyati Abu-Dabi Isroil bilan munosabatlarni yaxshilashga rozi bo‘lishi evaziga mazkur shartnomani imzolashga va’da bergan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Tramp Baydenning inauguratsiyasiga bir soat qolganida BAA bilan qurol sotuvi bo‘yicha shartnoma imzolagan