00:05 / 06.03.2021
4 224

Ikkinchi jahon urushi boshlanishi uchun kim "pul tikkan". Maxfiy hujjatlar oshkor bo‘ldi

Ikkinchi jahon urushi boshlanishi uchun kim "pul tikkan". Maxfiy hujjatlar oshkor bo‘ldi
Siyosatshunoslik fanlari doktori, professor Igor Panarin Rossiya tashqi razvedka xizmatining yaqindagi topilmasiga izoh berdi. Ushbu material 1940-yillardagi voqealar haqidagi haqiqatni fosh etdi.

Gap 1945 yildagi shifr-telegramma haqida bormoqda. U Londondan Moskvaga yuborilgan. Xatda natsist Germaniyasi Imperiya banki vitse-prezidenti Emil Pulning katta partiyadagi oltin quymalarini yetkazib berish bo‘yicha operatsiyasi haqida xabar berilgan.

Qimmatbaho metall Bryussel yaqinida joylashgan tuz shaxtalariga olib kelinishi kerak edi. Bunday ulkan miqdordagi oltin qayerdan olingan? Uni konslager asirlaridan to‘plashgan.

"Bu Pul nafaqat Reyxsbank vitse-prezidenti, balki bir vaqtning o‘zida Shveysariyadagi xalqaro hisob-kitoblar banki direktorlar kengashi a’zosi ham bo‘lgan. Bu bugungi kundagi eng muhim tuzilmalardan biri - u hatto AQSH federal rezerv xizmatidan ham a’loroq", - dedi ekspert.

Uning aytishicha, Shveysariya tuzilmasi "asoschilari" Yevropadagi yirik moliya tashkilotlari bo‘lishgan: fashist Germaniyasining Imperiya banki, Angliya banki.

Bularning barchasida AQSH ham ishtirok etgan: muassislar amerika xususiy banklari bo‘lgan, ular orasida mashhur Morgan bankirlar uyi ham bor edi. Uning "gullab-yashnash" davri Ikkinchi jahon urushiga to‘g‘ri kelgan, o‘shanda moliyaviy operatsiyalar hajmi rekord raqam - yarimtrillion dollarga yetgan.

"Bu Uchinchi reyx oltin zaxiralarining beshdan to‘rt qismidir. Bularning barchasi shifr-telegrammda aks etgan", - deb qo‘shimcha qildi siyosatshunos.

Ammo bu qandaydir sabab bilan jahon OAVlari e’tiboridan chetda qolgan. Shu bilan birga, Angliya banki Gitlerni u hukumat tepasiga kelayotgan vaqtda qo‘llab-quvvatlagani ma’lum. Gap 1930-yillar boshi haqida bormoqda.

Aynan shu britan moliyaviy tuzilmasi bo‘lg‘usi natsistlar yetakchisining saylov kampaniyasiga faol ravishda pul tikib kelgan.

Gitlerni qo‘llab-quvvatlash ishlarida amerikaliklar ham ishtirok etganlar - arxiv materiallariga murojaat qilinsa, o‘sha, obro‘li Morganlar oilasi, Buyuk tushkunlikni "yuzaga keltirishga" va XX asrdagi keng ko‘lamli jahon inqirozi boshlanishiga aloqador.

Ushbu inqiroz Federal rezerv xizmatini yanada rivojlantirish maqsadida "qo‘lbola" tarzda amalga oshirilganligini ko‘rsatuvchi faktlar mavjud, deydi siyosatshunos.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Ikkinchi jahon urushi boshlanishi uchun kim "pul tikkan". Maxfiy hujjatlar oshkor bo‘ldi