09:36 / 09.03.2021
997

Sayyohlar uchun to‘liq ochilgan mamlakatlar ma’lum bo‘ldi

Sayyohlar uchun to‘liq ochilgan mamlakatlar ma’lum bo‘ldi
Foto: «Travelask.ru»
Koronavirus pandemiyasi tufayli avval joriy etilgan sayyohlarning kirib kelishidagi cheklovlarni atigi beshta davlat butunlay olib tashladi. Bu haqda BMT Jahon sayyohlik tashkiloti 8 mart kuni o‘z saytida ma’lum qildi.

Sayyohlar uchun ochiq bo‘lgan davlatlar orasida Albaniya, Dominikan Respublikasi, Kosta-Rika, Shimoliy Makedoniya va Tanzaniya bor. Ular sayyohlik yo‘nalishi umumiy sonining atigi 2 foizini tashkil etadi, deya ta’kidlaydi tashkilot.

Shu bilan birga, har uchinchi mamlakat, ya’ni umumiy hisobda 69 ta davlat sayohatchilar uchun butunlay yopiqligicha qolmoqda. Ularning aksariyati Osiyo-Tinch okeani mintaqasida, yana 15 tasi Yevropada, 10 tasi Amerikada, 10 tasi Afrikada va uchtasi Yaqin Sharqda joylashgan. Sayyohlar kirishiga qisman cheklovlar turistik yo‘nalishlarning yana 34 foizida saqlanib qolmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Sayyohlar uchun to‘liq ochilgan mamlakatlar ma’lum bo‘ldi