Foto: akorda.kz
Qozog‘iston prezidenti Qosim-Jo‘mart To‘qayev koronavirusga qarshi emlash borasida mamlakat aholisiga murojaat bilan chiqdi.
To‘qayev Olmaota shahrini yanada rivojlantirish masalalariga bag‘ishlangan yig‘ilishda beqaror epidemiologik vaziyatga to‘xtaldi va aholining hushyorligi susayganini ta’kidladi.
"Hamyurtlarimizni yana bir marta hushyorlikka, barcha sanitariya normalariga rioya qilishga, koronavirusga qarshi ommaviy emlashni qo‘llab-quvvatlashga chaqiraman. Hukumat va hokimliklar ommaviy emlashga tayyor bo‘lishi lozim. Biz 1 fevralda emlashni boshlaganmiz. Ammo hozirgacha to‘liq emlanganlar soni 18 mingdan ortiqroqni tashkil etmoqda. Reja bo‘yicha 6 milliondan ortiq kishini emlab bo‘lishimiz kerak edi. Jamoaviy immunitetga erishmasdan turib kasallikni yenga olmaymiz va iqtisodiyotni tiklay olmaymiz", - dedi To‘qayev.
U hukumatga bu yo‘nalishdagi ishlarni jadallashtirishni topshirdi.
"Bu masalani nazorat qilaman. Fuqarolarga yana bir bor murojaat qilaman, emlashga ijobiy qarash kerak, boshqa yo‘l yo‘q", - dedi Qozog‘iston prezidenti.
Oxirgi ma’lumotlarga ko‘ra, Qozog‘istonda koronavirus yuqtirganlar soni 226,7 mingdan oshgan, 2800dan ortiq bemor vafot etgan. So‘nggi sutkada kasallik yuqtirish bilan bog‘liq 1100ga yaqin holat qayd etilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on terrorchilar haqida keskin gapirdi
Suvni tik turgan holda ichish mumkin emasligi ilmiy jihatdan isbotlandi
Har kuni kechqurun piyoda yurish organizmda qanday o‘zgarishlarga sabab bo‘ladi?
Rossiya Ukrainaning harbiy dron yig‘uv inshootlarini yo‘q qildi
Rossiya qo‘shinlari Avdeyevkadagi ikkita qishloqni egallab oldi
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Moskvadagi terakt bo‘yicha yana uch kishi ushlandi
AQSH rasmiylari: Millionlab amerikaliklar xitoylik hakerlar hujumiga uchragan