22:56 / 03.05.2021
2 031

Armaniston prezidentiga nisbatan ikki fuqarolikni yashirgani uchun jinoiy ish qo‘zg‘atildi

Armaniston prezidentiga nisbatan ikki fuqarolikni yashirgani uchun jinoiy ish qo‘zg‘atildi

Foto: TASS/ZUMA Wire/Xinhua
Armaniston bosh prokuraturasi prezident Armen Sarkisyanga nisbatan ikki fuqarolikka ega bo‘lganini yashirgani uchun jinoiy ish qo‘zg‘atdi. Bu haqda Armaniston advokatlar ittifoqi raisi Ara Zograbyan ma’lum qildi.

Armaniston konstitutsiyasiga ko‘ra, Armaniston prezidenti saylovlarida ishtirok etish uchun oxirgi 6 yil davomida faqat arman fuqaroligiga ega bo‘lish kerak. Sarkisyan 2018 yil 2 mart kuni Armaniston prezidenti etib saylangan. Advokatlarning ta’kidlashicha, u 2003 yildan 2012 yilgacha Britaniya fuqaroligiga ega bo‘lgani sababli prezident saylovlarida qonunga xilof tarzda ishtirok etgan.

Zograbyanning ma’lum qilishicha, 53 nafar advokat Armen Sarkisyan ikki fuqarolikni yashirgani yuzasidan shikoyat arizasi topshirgan. Maxsus tergov xizmati advokatlarning arizasi bo‘yicha jinoiy ish qo‘zg‘atishdan bosh tortgan. Biroq bosh prokuratura xizmatning qarorini bekor qilib, «hujjatlarni soxtalashtirish» moddasi bo‘yicha Sarkisyanga nisbatan jinoiy ish qo‘zg‘atgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Armaniston prezidentiga nisbatan ikki fuqarolikni yashirgani uchun jinoiy ish qo‘zg‘atildi