08:30 / 08.05.2021
2 465

COVID-19 pandemiyasi qachon barham topadi - nemis olimlari prognozi

COVID-19 pandemiyasi qachon barham topadi - nemis olimlari prognozi

Odamlarda immunitet 80%ga yetganida Sars-CoV-2 koronavirusi to‘lqinlari tarqalishi to‘xtaladi. Bu haqda GFR SSV tarkibiga kiruvchi Rober Kox nomidagi institut prezidenti Lotar Viler ma’lum qildi.

Sal avval, juma kuni, GFR sog‘liqni saqlash vazirligi rahbari Yens Shpan Germaniyada koronavirusning uchinchi to‘lqini sindirilganini, kasallanish yuqori darajada ekanini, ammo hozirda pasayish kuzatilayotganini aytgan edi.

"Vaksinatsiya orqali yoki kasallikni boshdan kechirib, so‘ng vaksina olganligi tufayli immunitetga ega bo‘lgan odamlar ulushi 80 foizga yetmay turib, qolaversa, virusning britancha varianti bor ekan, biz cheklovlarning muhim qismidan voz kecha olmaymiz. Immunitet 80 foizga yetgan taqdirda yangi kasallanishlar qayd etiladi, ammo to‘lqinlar bo‘lmaydi. O‘shanda pandemiyani nazorat qilib bo‘ladi", - deb bayonot qildi Viler jumani kuni o‘tkazilgan matbuot-anjumanida.

Viler ushbu munosabat bilan koronavirus bo‘yicha amaldagi cheklovlarni man etishga shoshilmaslikka chaqirdi.
"Cheklovlarni rejasiz bekor qilib bo‘lmaydi. Emlanganlar soni haftadan haftaga ko‘paymoqda, shuning uchun ba’zi cheklovlarni bekor qilish mumkin. Emlash ishlari tezkor ravishda amalga oshirilishi kerak va cheklovlarni nazorat ostida bekor qilinishi lozim. Emlash darajasi qanchalik yuqori bo‘lsa, shunchalik ko‘p miqdorda infeksiyalanish holatlarini oldini olishimiz mumkin. Vaksinatsiya jarayonining o‘sib borishi yaqin kelajakda holatni ancha yengillashtiradi", - dedi Viler.

COVID-19ga qarshi vaksinatsiya Germaniyada o‘tgan yilning 27 dekabrida boshlangan edi. Bugungi kunga kelib 7,3 million kishi (aholining 8,8%i) to‘liq, 26,2 million kishi (aholining 31,5%i) kamida bir marta emlangan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » COVID-19 pandemiyasi qachon barham topadi - nemis olimlari prognozi