12:45 / 22.10.2021
984

Aktyor Alek Bolduin filmni suratga olish jarayonida ayol kishini otib qo‘ydi

Aktyor Alek Bolduin filmni suratga olish jarayonida ayol kishini otib qo‘ydi
Nyu-Meksiko shtatidagi suratga olish maydonchasida tasvirchi ayolning halok bo‘lishiga olib kelgan o‘q aktyor Alek Bolduin tomonidan to‘pponchadan uzilgan. Bu haqda Santa-Fe okrugi sherifining bayonotida aytildi.

Rust («Zang») vesternini suratga olish ishlari Nyu-Meksiko shtatida bo‘lib o‘tayotgandi. Alek Bolduin film prodyuseri bo‘lgan hamda unda bosh rolni ijro etayotgandi.

«Sherif idorasi rekvizit uchun mo‘ljallangan quroldan Alek Bolduin o‘q uzganini tasdiqlaydi», deyiladi xabarda. Avvalroq, hodisa o‘qsiz patronlarga ega to‘pponchadan o‘q uzish paytida yuz bergani haqida xabar berilgan edi. Film rejissyori o‘mrov suyagidan yaralangan va hozirda og‘ir ahvolda. 42 yoshli tasvirchi ayol Alina Xatchins og‘ir jarohat oldi, u tibbiy vertolyotda Albukerkedagi kasalxonaga yetkazildi. Biroq, shifokorlar uning hayotini saqlab qololmadi.

Santa-Fe okrugi sherif idorasi vakili Xuan Riosning aytishicha, Bolduinga nisbatan hali ayblov qo‘yilmagan.

To‘pponchaga qanday sharoitda jangovar patronlar solingani, shuningdek, Bolduinning rejissyor va operatorga o‘q uzishining sabablari oshkor qilinmagan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Aktyor Alek Bolduin filmni suratga olish jarayonida ayol kishini otib qo‘ydi