Foto: AP
AQSH prezidenti Jo Bayden joriy yilda Milliy xavfsizlik kengashi vakillari taklif etgan Rossiyaga nisbatan sanksiyalar paketini uch marta qaytardi. Bu haqda Politico gazetasi xabar bermoqda.
Gazeta manbalarining so‘zlariga ko‘ra, Oq uy rahbarining fikricha, sanksiyalar yetarli darajada keskin emas.
Bayden ma’muriyati bu borada batafsil ma’lumot berishni istamadi. Ammo nashr savollariga javob berarkan, amaldorlardan biri Bayden sanksiyalar jazolovchi tusda yoki Rossiya xalqiga zarar yetkazadigan bo‘lishi kerakligini talab qilmaganini aytdi.
Uning so‘zlariga ko‘ra, AQSH prezidenti choralar «oqilona» va Rossiya hukumatining o‘zini tutishini o‘zgartirish uchun yetarli ravishda o‘ylangan bo‘lishini istamoqda.
15 aprelda Oq uy rahbari Rossiyaga nisbatan yangi sanksiyalar joriy etilishi to‘g‘risidagi farmonni imzolagandi. Vashington xususan, Amerika kompaniyalariga Rossiya markaziy banki, milliy farovonlik fondi yoki moliya vazirligi chiqargan qarz majburiyatlarini to‘g‘ridan to‘g‘ri sotib olishni taqiqlagan. AQSHdagi saylovlarga aralashishga aloqador deb topilgan 16 tashkilot va 16 nafar jismoniy shaxsga hamda Qrimda ishlagani uchun sakkiz fuqaro va yuridik shaxslarga nisbatan sanksiyalar kiritilgan. Shuningdek, Rossiya razvedka xizmati bilan aloqador deb hisoblangan 10 nafar diplomat chiqarib yuborilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Buxoro viloyatida «Neksiya-3» avtomashinasi buklanib qoldi
Sirdaryoda budjetga juda ko‘p miqdorda zarar yetkazgan mayning ferma aniqlandi
Erdo‘g‘on: «Isroil Gitlerdan ham o‘tib ketdi»
Davlat xavfsizlik xizmati maklerlarga qo‘shib mansabdorlarni ham qo‘lga oldi
O‘zbekistonda zilzilaga tayyorgarlik kuchaytiriladi
Tojikiston Turkiya fuqarolari uchun viza rejimini joriy etdi
O‘zbekistonda milliy kontent yaratishdagi muammolar muhokama qilindi
