16:06 / 01.12.2021
6 205

Biolog omikron virusning asosiy xavfi nima ekanini aytdi

Biolog omikron virusning asosiy xavfi nima ekanini aytdi
Koronavirusning omikron shtammining asosiy xavfi inson tanasida antitanalar biriktirilgan qismlardagi mutatsiyalardir.

Bu boshqa shtammlarga qarshi allaqachon shakllangan immunitet omikron qarshisida ojiz qolishini anglatadi. Bu haqda biologiya fanlari doktori, Jorj Meyson universiteti (Virjiniya, AQSH) tizimidagi biologiya maktabi professori Ancha Baranova ma’lum qildi.

«Koronavirusning S-oqsili (tikan) retseptorlarni bog‘laydigan domenga (RBD) ega bo‘lib, u orqali virus inson hujayrasiga kiradi. Bu shunday bo‘lakki, S-oqsiliga yopishadi va neytrallashtiruvchi antitanalar unga yopishadi. Shunday qilib, bu parchada o‘nta mutatsiya mavjud. Ya’ni, antitanalar o‘rnashishi mumkin bo‘lgan bir nechta xavfsiz joylar mavjud, biroq antitanalar uchun asosiy joylar zararlangan, ular shunchaki mavjud emas»,—deydi biolog Ancha Baranova.

Biologning ta’kidlashicha, Gonkongda kasalxonaga yotqizilgan va omikron shtammi bilan kasallangan bemorlar allaqachon to‘liq emlangan. Bu eski vaksinalar tomonidan yaratilgan immunitet omikronga qarshi samarali bo‘lmasligini ko‘rsatishi mumkin.

«Ma’lum bo‘lishicha, antikorlar S-oqsilini ishonchli tarzda taniy olmaydi, ya’ni ular virus atrofida yopishib, uni zararsizlantira olmaydi. Gonkongda omikron bilan kasallangan odamlar to‘liq emlanganligini bilganimizdan beri bu eng katta xavf ekanligin ma’lum bo‘ldi», —dedi u.

V.1.1.529 koronavirus shtammi 11 noyabr kuni Janubiy Afrikada aniqlangan. Jahon sog‘liqni saqlash tashkiloti (JSST) buni xavfli deb tan oldi va allaqachon COVID-19 bilan kasallanganlarni omikron bilan yuqishi mumkinligi haqida ogohlantirdi.

Bugungi kunga kelib yangi shtamm dunyoning 20 ga yaqin mamlakatida, jumladan Ispaniya, Avstriya, Yaponiya, Avstraliya, Belgiya, Botsvana, Kanada, Chexiya, Daniya, Germaniya, Xitoy, Isroil, Italiya, Gollandiya, Portugaliya, Janubiy Afrika, Shvetsiya va Buyuk Britaniyada topilgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Biolog omikron virusning asosiy xavfi nima ekanini aytdi