Er xotiniga baqirdi:
— Tamom, sen bilan ajrashaman! Menga xiyonat qilding!
— Nega menga baqirasiz? Sizga xiyonat qilmadim! Kecha e’tiboringiz uchun dugonam Adalatnikida tunaganman, tuzukmi!?.
— Yolg‘on gapirma, ojiza! Adalatnikida kecha men tunadim, seni u yerda ko‘rganim yo‘q!
* * *
Yigit do‘stiga dedi:
— Keyingi paytlarda kunduz kunlari dahshatli darajada bo‘shashadigan bo‘ldim. Nuqul uyqum kelaveradi. Tunda esa birdan teskarisi. Rosmanasiga to‘laqonli, haqiqiy erkakning umrini kechirayotganday bo‘laman.
— Tunda nima ish qilasan o‘zi?
— Uxlayman.
* * *
Juhud yaqin do‘stiga dedi:
— Fima, iltimos, sendan qarz olganimni xotinimga aytib qo‘ymagin!
— Aytmayman. Lekin menam sendan bir narsani iltimos qilmoqchiydim.
— Nimani?
— Senga qarz berganimni xotinimga aytib qo‘ymagin!
* * *
Erkak do‘stlardan biriga dedi:
— Eshmat, sinfdoshimiz Toshmat puldan qiynalib qolgan ko‘rinadi.
— Yo‘g‘-e, nega? Qayerdan olding bu gapni?
— Kecha birrov ko‘rib o‘tay deb uyiga kiruvdim. Ishonasanmi, ikki qizi yonma-yon o‘tirvolib bitta pianinoni chalyapti!
* * *
Besh yoshli bolakay o‘tirib-o‘tirib, kutilmaganda otasidan so‘radi:
— Ota, Odam Atomizning qaynonasini kim deb chaqirishgan?
— Bolam, Odam Atomizning qaynonasi bo‘lmagan… U jannatda yashagan.
* * *
Shifoxonaning travmotogiya bo‘limiga tegishli kasallik tarixidagi yozuvdan:
— Bemor imi-jimida begona ayollarga qatnagan mahal xotini ham xuddi shunday imi-jimida karatega qatnaganini bilmagan ekan…
* * *
Bir oylik kelin yaqin dugonasiga hasrat qilyapti:
— Kecha kuni bilan chuchvara tugdim. Kechqurun erim kelib…
— Xo‘sh, xo‘sh? Nima dedi ering?
— «Qaytib bunaqangi chuchvara sotib olma» dedi.
* * *
Agrar universitet domlasi talabadan imtihon olyapti:
— Hurmatli talaba, tasavvur qiling, siz fermer xo‘jalik rahbarisiz. Bu yil ham kartoshka hosili nolga tushib qoldi. Sababi nimada deb bilasiz?
— Ob-havo noqulay kelgan bo‘lishi mumkin.
— Yangiroq, ishonarliroq sabab topa olasizmi?
— Albatta.
— Ayting.
— Kartoshka ekish esimizdan chiqqan bo‘lishi mumkin.
* * *
Yangi ishga kirayotgan yigit suhbatdan o‘tayotib korxona rahbarining «Uylanganmisan?», degan savoliga shunday javob berdi:
— Yo‘q, men uylanmaganman. Ammo buyruqqa so‘zsiz bo‘ysunaman… Armiyada o‘rgatishgan.
* * *
Yigit qizdan so‘radi:
— Hozir qo‘lingni ushlasam, nima qilasan?
— Bobomni chaqiraman.
— Kutilmaganda yuzingdan bo‘sa olsam-chi?
— Bobomni chaqiraman.
— Nega endi «Bobomni chaqiraman», «Bobomni chaqiraman» deyaverasan?
— Chunki bobomning ikkala qulog‘iyam kar.
Manba: Hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Futzal. Osiyo Kubogi. Tojikiston Yaponiyani guruhda qoldirdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Zohida Umarova nima sababdan o‘g‘li va kelini bilan birga yashamasligini aytdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi