AQSHning Ogayo universiteti olimlari sichqonlarda oʻtkazilgan bir qator tajribalar davomida uzoq davom etuvchi stress va fazoviy xotiraning yomonlashishi oʻrtasida yaqindan oʻzaro bogʻliqlik borligini aniqlashdi.
Tadqiqot rahbari Jonatan Godbuning tushuntirishicha, olimlar tajribada sinalgan sichqonlarni avval ular chiqishni topishlari kerak boʻlgan labirintga joylashtirishgan. Sichqonlar yoʻnalishni eslab qolib bu vazifani bir necha bor bajara olganlaridan keyin ularni stress holatiga duchor qilganlar: ularning yoniga yirikroq va tajovuzroq alfa-erkak sichqon qoʻyilgan.
Olimlar sichqonlarda kattaroq begona sichqon bilan toʻqnashish oqibatida stress darajasi oshgani, ular talmovsirab qolishgani, labirintdan chiqish yoʻnalishini eslay olishmagani, chiqish teshigining joylashgan oʻrnini topa olishmaganini aniqlashgan. Tajovuzkor sichqonning taʼsiriga uchramagan sichqonlar esa chiqishni topishda xatoga yoʻl qoʻymagan.
Tadqiqotchilar fazoviy xotiraning yomonlashishi bosh miyadagi muayyan oʻzgarishlar bilan kechishini aniqladilar. Olimlar tomonidan topilgan makrofaglar – immun himoya hujayralari immun tizimining uzoq davom etuvchi stress omiliga javobi bilan chaqirilgan yalligʻlanishga reaksiya belgisi boʻlishi mumkin. Olimlarning aytishicha, sichqonlardagi bu chetlashish 28 kun ichida yoʻqolgan. Yalligʻlanishga qarshi dorilar sichqonlarda stressdan keyingi depressiyaning paydo boʻlishi vaqtiga sezilarli taʼsir koʻrsatmagan, biroq davolash evaziga xotiraning tezroq yaxshilanishiga erishilgan.
Tadqiqotning bu natijalari olimlarni stress omili oqibatida xotirada muammolar paydo boʻlishi aynan immun tizimining stressga javobi bilan bogʻlanganligiga iqror qildi.
Olimlarning fikricha, ularning bu yoʻnalishdagi keyingi ilmiy ishlari nafaqat stress va u bilan kechuvchi jarayonlar, balki har kungi hayoti xavotir, depressiya va boshqa hissiy buzilishlar bilan bogʻlangan odamlar uchun strategiyani ishlab chiqishga yordam beradi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Damas uchun onlayn kontraktatsiya ochiladi