Arzimayman, ko‘nglimda kibr,
Shunda hamki, ehtirom aylab,
Odamlarning ichidan saylab,
Berganingga menga dard shukr!
Fursat erur Seni bilmoqqa,
Vaqt qolmadi o‘ynab kulmoqqa,
Imkon yo‘qdir gunoh qilmoqqa:
Berganingga menga dard shukr!
Sihat chindan mol-davlat bo‘ldi,
Dilga tanish oyatlar keldi.
Do‘zax nima, idrok tug‘ildi:
Berganingga menga dard shukr!
Yetsa hamki endi qazoim,
Angladim ne bo‘lar jazoim
Olding demam biror a’zoim,
Berganingga menga dard shukr!
Qadaring haq, tezda ovundim,
Ixlos ila Senga sig‘indim,
Sahobalar holin tushundim,
Berganingga menga dard shukr!
To‘rt mucham sog‘ yurganlarimda
Gunoh to‘la ul daftarimda
Ko‘ngil edi tamom yarimta...
Berganingga menga dard shukr!
Bilarding-ku, mendek g‘o‘r banda
Holatim naq edi sharmanda.
Shuncha odam qarab turganda,
Berganingga menga dard shukr!
Arzimayman, bilaman, Robbim,
Bir yig‘layman, kulaman, Robbim,
Endi shukr qilaman, Robbim,
Berganingga menga dard shukr!
Bermay qo‘ysang mutloq e’tibor
Salomatdan qanday huzur bor?!
Yuragimdan ketkazib g‘ubor,
Berganingga menga dard shukr!
Bolalarim qilishar duo,
Otam, onam tilida xudo,
Kalomingni etmasdan judo,
Berganingga menga dard shukr!
O‘zing yordam bermasang bo‘lmas,
Yo‘lim o‘ngga burmasang bo‘lmas,
Tinch hayotdan ko‘nglim xo‘p sarmast,
Berganingga menga dard shukr!
Oxir so‘zim mening ushbudir:
Bergan darding ajib ko‘zgudir,
Azoblaring rohat, uyqudir:
Berganingga menga dard shukr!
Xayrullo Hamidov
Manba: Azon.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Xotirani yaxshilashning juda oddiy usuli topildi
“Yuventus” himoyasini titratib tashlagan Shomurodovning o‘yini qanday baholandi?
Sirdaryoda budjetga juda ko‘p miqdorda zarar yetkazgan mayning ferma aniqlandi