08:57 / 09.06.2018
4 690

Jahon banki O‘zbekiston iqtisodiyoti o‘sish prognozini ko‘rib chiqdi

Jahon banki O‘zbekiston iqtisodiyoti o‘sish prognozini ko‘rib chiqdi
Jahon banki 2018 yilda O‘zbekiston iqtisodiyotining o‘sish ko‘rsatkichlari yanvarda prognoz qilingan 5,6 foizdan 5 foizgacha pasayishini prognoz qildi. 6 iyun kuni Jahon bankining O‘zbekistondagi idorasi press-relizida bu haqda so‘z boradi.

Ekspertlar 2019 yilda O‘zbekiston YaIM prognozini ham 6,3 foizdan 5,1 foizgacha tushirdi.

Ushbu raqamlar Yevropa va Markaziy Osiyo mintaqasidagi 2018 yildagi 3,2 foiz va 2019 yildagi 3,1 foizlik o‘rtacha ko‘rsatkichlardan yuqori, deyiladi xabarda.

Mamlakatdagi tuzilmaviy islohotlar, jumladan ayirboshlash kursini liberallashtirish, soliq islohoti, davlat korxonalarining xususiylashtirilishi va bank sektoridagi islohotlar uzoq istiqbolni yaxshilashi kutilmoqda.

Xalqaro valyuta jamg‘armasi 2018−2019 yillarda O‘zbekiston YaIM o‘sishini 5 foiz darajasida prognoz qilmoqda.

O‘zbekiston Markaziy banki dekabrda iqtisodiy o‘sish ko‘rsatkichi yiliga 5,5−6 foiz bo‘lishini prognoz qilgan edi.

Aprelda Osiyo taraqqiyot banki ham 2018 yildagi O‘zbekiston YaIM o‘sish sur’atlarini 2017 yil sentyabrdagi 6,8 foiz o‘rniga 5,5 foizga pasaytirgan edi. 2019 yildagi prognoz ham 7,3 foizdan 5,6 foizga pasaytirilgan.

Jahon banki guruhi bayonnomasida ta’kidlanishicha, jahon iqtisodiyoti umumiy hisobda 3,1 foizga o‘sadi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Iqtisodiyot » Jahon banki O‘zbekiston iqtisodiyoti o‘sish prognozini ko‘rib chiqdi