Shveysariya Bosh prokuraturasida Gulnora Karimova ishi yuzasidan O‘zbekistonning murojaati o‘rganilayotgani haqida xabar bergan edik. Shveysariya Bosh prokuraturasi tomonidan 2012 yilda Gulnora Karimova va yana besh nafar shaxsga nisbatan korrupsion qonunbuzarlik aybi bilan jinoiy ish qo‘zg‘atilgan edi.
Avvalroq, O‘zbekiston Bosh prokuraturasi Gulnora Karimova jinoiy ishi bo‘yicha rasmiy to‘liq ma’lumotni e’lon qilgan edi. Tergov materiallari bo‘yicha hozirda 12 ta xorijiy mamlakatlar hududida Gulnora Karimova ishtirokidagi uyushgan jinoiy guruhning 1 mlrd 394,1 mln AQSh dollari, 63,5 mln yevro, 27,1 mln funt va 18,5 mln frank miqdordagi legallashtirilgan mablag‘lari aniqlangan.
AQSh va Niderlandiya Gulnora Karimovaning Shveysariyada muzlatilgan 784 million dollari, ya’ni 800 million Shveysariya frankining katta qismiga egalik qilishi mumkin. Xabarlarga qaraganda, Bernda shu haftada Gulnora Karimovaning jinoiy ishi bilan shug‘ullanayotgan Bosh prokuratura ishtirokida yashirin muhokamalar boshlangan.
Ta’kidlanishicha, AQSh muzlatilgan puldan 550 million dollar miqdorda mablag‘ talab qilmoqda. Sababi jinoiy guruh moliyaviy operatsiyalarni o‘tkazish vaqtida Amerika banklari xizmatidan foydalangan. Gollandiya talab qilayotgan mablag‘ qiymati hozircha oshkor etilmayapti.
Ma’lumotlarda keltirilishicha, muzlatilgan pullar turli telekommunikatsiya kompaniyalaridan pora sifatida qo‘lga kiritilgan. Shveysariya bu pullarni ezgu maqsadlar uchun sarflashni mo‘ljallamoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
Shveysariya prezidenti Putinga maktub yo‘lladi
O‘zbekistonda o‘tgan uch oyda qancha avtomobil ishlab chiqarilgan?
Damas uchun onlayn kontraktatsiya ochiladi
Akademik Qodir G‘ulomov Qo‘shrabotda bo‘ldi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
AQSHning Suriyadagi harbiy bazasiga raketalar hujum qildi
Ramzan Qodirovning 19 yoshli qizi medal bilan taqdirlandi
