"Odam savdosi" yo‘nalishi bo‘yicha tergov materiallari tahlili mahalliy uyushgan jinoiy guruhlarda bir shakldan boshqa shaklga o‘tish jarayoni o‘ta faol tarzda yuz berayotganini ko‘rsatmoqda, deb ma’lum qilindi O‘zbekiston MXX tomonidan "Odam savdosiga qarshi kurash" mavzusida o‘tkazilgan brifing davomida.
"Odam savdosi" yo‘nalishi bo‘yicha tergov materiallari tahlili shuni ko‘rsatmoqdaki, Qozog‘iston, Rossiya, Turkiya, BAA, Osiyo-Tinch okeani mintaqasi (ATR) va YeI dan bo‘lgan uyushgan jinoiy guruhlar ishtirokida xalqaro tarmoqqa odam yetkazib berishga ixtisoslashgan mahalliy uyushgan jinoiy guruhlarda bir shakldan boshqa shaklga o‘tish jarayoni o‘ta faol tarzda kechmoqda".
MXXga ko‘ra, O‘zbekiston fuqarolari BAA, Turkiya, ATR mamlakatlari, AQSh va Yevropa davlatlariga asosan Qozog‘iston, Qirg‘iziston, Rossiya, Ozarbayjon va Ukraina orqali yetkazib berilmoqda. "Jonli tovar"larni chet elga olib chiqishda soxta viza va chiqish stikerlari urilgan qalbakilashtirilgan milliy va chet el pasportlaridan foydalanilmoqda.
Bugungi kunda quyidagi noqonuniy migratsiya kanallaridan o‘ta faol tarzda foydalanib kelinadi:
Toshkent — Shimkent — Olma-ota;
Toshkent — Moskva (Novosibirsk, Yekaterinburg, Qozon);
Samarqand — Andijon — O‘sh — Sharja — Dubay;
Samarqand — Moskva — Misr — Isroil;
Buxora — Moskva — Misr — Isroil;
Toshkent — O‘sh — BAA;
Toshkent — Shimkent — BAA;
Toshkent — Qozog‘iston — Boku — Istanbul — Bursa (Turkiya);
Toshkent — Moskva — Baku — Turkiya;
Toshkent — Riga — Shvetsiya — Norvegiya;
Toshkent — Moskva — Sharqiy va G‘arbiy Yevropa davlatlari;
Toshkent — Moskva — Kanada;
Toshkent — Istanbul — AQSh;
Toshkent — Qozog‘iston — Nepal — Hindiston;
Toshkent — Qirg‘iziston yoki Qozog‘iston — ATR mamlakatlari.
Shu tariqa, O‘zbekiston MXX Buxoro viloyati Boshqarmasi kuch xodimlari yosh qizlarni jinsiy ekspluatatsiya qilish maqsadida Bankok (Tailand)ga olib chiqib ketayotgan O‘zbekiston fuqarolari L.Safoyeva va N.Usmonovalarning faoliyatiga chek qo‘yishdi.
"Jonli tovar"lar chet elga "Toshkent-Kiyev-Bankok" marshruti bo‘yicha olib ketilgan. Ukrainaga kelgan qurbonlarni o‘sha mamlakat fuqarosi kutib olgan va Kiyev shahri aeroporti chegara xizmatida faoliyat yurituvchi rafiqasi yordamida o‘zbekistonlik ayollarni Tailandga yuborishni ta’minlagan.
MXX organlari tomonidan o‘tkazilgan tezkor tadbirlar natijasida L.Safoyeva va N.Usmonovalarga nisbatan O‘zbekiston Jinoyat kodeksining 135-moddasi bo‘yicha jinoiy ish qo‘zg‘atilib, sud qarori bilan ular uzoq muddatga ozodlikdan mahrum etildilar. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi