Islom Karimov siymosi aks etgan navbatdagi haykal angliyalik taniqli haykaltarosh Pol Dey tomonidan yasalayotgani haqida avval ham ma’lumot bergandik. O‘zbekiston Respublikasi Birinchi Prezidenti Islom Karimovning kenja qizi, “Sen yolg‘iz emassan” Respublika jamoatchilik bolalar jamg‘armasi, Respublika bolalar ijtimoiy moslashuvi markazi raisi, O‘zbekiston gimnastika federatsiyasi prezidenti, Islom Karimov nomidagi Respublika xayriya jamoat fondi vasiylik kengashi raisi, O‘zbekistonning YuNESKOdagi doimiy vakili Lola Karimova-Tillyayeva ijtimoiy tarmoqlardagi shaxsiy sahifasi orqali ushbu haykalni tayyorlash bilan bog‘liq sirlarni oshkor etdi. Bu to‘g‘rida Qalampir nashri yozmoqda.
“Ayni chog‘da O‘zbekistonning Birinchi Prezidenti Islom Karimov xotirasiga atab Moskvada o‘rnatiladigan yodgorlik ustidagi ishlar o‘z yakuniy pallasiga yetib qoldi. Ilgari ma’lum qilganimizdek, ushbu yodgorlik jahonga mashhur britaniyalik haykaltarosh Pol Dey tomonidan yaratilmoqda. Padari buzrukvorim Moskva shahrini iliq xotiralar bilan yod olardilar va shu bois yodgorlik ushbu go‘zal maskanda muhim o‘rin egallashidan xursandman”, deb yozadi Lola Islomovna.
Lola Karimova-Tillyayeva sahifasida nafaqat otasining Moskva shahridagi yodgorligi bilan bog‘liq ma’lumotlarni, balki oila siri sanalgan, xususan Islom Karimov tomonidan Tatyana Karimovaga Moskvadan turib yo‘llangan maktublardagi yozishmalarni ham tilga oladi.
“Bir oz vaqt ilgari oilaviy arxivlarimizni ko‘zdan kechirar ekanman, dadamlar oyimlarga Moskvadan yozgan maktublariga duch keldim. U yerda dadam Moskvaga safarlari haqida gapirar ekanlar, bu go‘zal shaharni ko‘pgina diqqatga sazovor joylarini piyoda aylanib chiqqanlarini so‘zlab berganlar”.
Karimova so‘nggi vaqtlar ijtimoiy tarmoqlar orqali viktorina o‘tkazayotganidan xabaringiz bor. U bu safar ham an’anaga sodiq qolib, ijtimoiy tarmoqdagi foydalanuvchilarga haykaltarosh Pol Dey ijodiga oid savollar bilan yuzlandi. G‘olibga esa mukofot sifatida Apple MacBook Air kompyuteri va’da qilindi.
Savollar:
1-savol: Pol Deyning eng mashhur asarlarini keltirib o‘ting.
2-savol: Pol Dey tomonidan O‘zbekistonning Birinchi Prezidenti xotirasiga bag‘ishlangan yodgorlikda qaysi tarixiy me’moriy ansambl aks ettirilgan?
3-savol: Pol Dey tomonidan yaratilgan va London shahrida Britaniya parlamenti yaqinida joylashgan monumental kompozitsiya XX asrning birinchi yarmida sodir bo‘lgan qaysi yirik tarixiy voqeaga bag‘ishlangan?
4-savol: Pol Dey 2009 yilda yaratgan yodgorlik Britaniya qirollik oilasining qaysi a’zosi xotirasiga bag‘ishlangan? “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Germaniyaning Knauf kompaniyasi Rossiyadan butunlay chiqib ketishini tasdiqladi
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
O‘zbekistonda o‘tgan uch oyda qancha avtomobil ishlab chiqarilgan?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
