17:01 / 11.01.2018
12 757

Haydovchi va yo‘l harakati xavsizligi xodimi janjallashdi! Kim haq? (Video)

Haydovchi va yo‘l harakati xavsizligi xodimi janjallashdi! Kim haq? (Video)
Hozirgi kunda ijtimoiy tarmoqlardagi ba’zi videoroliklarga duch kelamiz. Ularda haydovchi Davlat yo‘l harakati xavfsizligi xizmati xodimining talabiga ko‘ra tegishli hujjatlarni taqdim etmasdan har xil bahona yoki vajlar bilan chalg‘itishi aks etgan bo‘ladi. Aslida esa yo‘l harakati xavsizligi xodimi ko‘krak nishoni bo‘lsa kifoya. Bu ichki nizomlarda xujjatlar orqali yaqqol ko‘rsatib o‘tilgan. Yo‘l harakati xavsizligi xodimlariga nisbatan negativ fikrlar har doim ham to‘g‘ri emas. Haydovchilar o‘z burchlaringizni ham unutmang!
Videoni quyidagi havola orqali ko‘rishingiz mumkin.

Mazkur holat, haydovchining Davlat yo‘l harakati xavfsizligi xizmati xodimining talabiga ko‘ra tegishli hujjatlarni taqdim etmasligi yoki qanaqadir bahona, vajlar bilan vaziyatni o‘zicha o‘zgartirishga harakat qiladi va bu, albatta, haydovchi uchun maqbul yo‘l emas. Sababi haqida to‘xtaladigan bo‘lsak, O‘zbekiston Respublikasi Vazirlar Mahkamasining 2015 yil 24 dekabrdagi 370-son qaroriga 1-ilova “Yo‘l harakati qoidalari”ning II-bo‘limida haydovchilarning umumiy majburiyatlari keltirilgan bo‘lib, mazkur bo‘limdagi 7-bandga ko‘ra, mexanik transport vositasining haydovchisi quyidagilarni yonida olib yurishi va IIO (Ichki ishlar organi) xodimlari talab qilganda tekshirish uchun taqdim etishi shart:

* haydovchilik guvohnomasi va uning talonini yoki transport vositasini vaqtinchalik boshqarish huquqini beruvchi talonni, haydovchilik guvohnomasi belgilangan tartibda olib qo‘yilgan bo‘lsa, uning talonini, haydovchilik guvohnomasi va uning taloni olib qo‘yilgan hollarda vaqtinchalik ruxsatnomani;

* vaqtinchalik boshqarish huquqini beruvchi talon yoki vaqtinchalik ruxsatnoma bilan transport vositasini boshqarishda haydovchining shaxsini tasdiqlovchi hujjatni;

* transport vositasi yoki tirkamani qayd qilish guvohnomasini, transport vositasining egasi bo‘lmagan hollarda esa umumiy egalik huquqini yoki tasarruf etish huquqini beruvchi, egalik qilishga va foydalanishga berilganligini tasdiqlovchi hujjatni;

* transport vositasi egasining fuqarolik javobgarligini majburiy sug‘urta qilish bo‘yicha sug‘urta polisini;

* qonunchilikda ko‘zda tutilgan hollarda yo‘l varaqasi va tashilayotgan yukning hujjatlarini.

* qonun hujjatlarida nazarda tutilgan holatlarda — «Avtotest Report» MChJ o‘quv kompleksining haydovchilar malaka oshirgani to‘g‘risidagi sertifikati.

Shunday ekan, mazkur majburiyatlaridan birini bajarishdan bosh tortgan hollarda, albatta, tegishli ravishda, ya’ni militsiya xodimining qonuniy talablarini bajarmasligi yoxud militsiya xodimining qonuniy talablariga boshqacha tarzda bo‘ysunmasligi O‘zbekiston Respublikasining ma’muriy javobgarlik to‘g‘risidagi kodeksi 194-moddasiga asosan, eng kam ish haqining ikkidan bir qismidan ikki baravarigacha miqdorda jarima solishga sabab bo‘ladi. Agar xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, eng kam ish haqining ikki baravaridan uch baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi.

Shuningdek, O‘zbekiston Respublikasi ichki ishlar vazirining 2011 yil 31 maydagi 68-son buyrug‘iga ilova “Yo‘l harakati qoidalarining buzilishiga doir ma’muriy ishlarni ko‘rib chiqish tartibi to‘g‘risida”gi yo‘riqnoma 36-bandiga ko‘ra, yuqoridagiga o‘xshash holatlar yuz bersa, ya’ni O‘zbekiston Respublikasining ma’muriy javobgarlik to‘g‘risidagi kodeksi 194-moddasida nazarda tutilgan ma’muriy huquqbuzarlik sodir etilganda transport vositasi ushlab turish sababi bartaraf etilgunga va ma’muriy ish ko‘rib chiqilgunga qadar ushlab turilishi mumkin.

Manba: Hordiq.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Haydovchi va yo‘l harakati xavsizligi xodimi janjallashdi! Kim haq? (Video)