Barchamiz kundalik hayotimizda turli nomdagi qadoqlangan sharbatlarni ichamiz. Ayniqsa, tug‘ilgan kun, bayram tantanalarida u dasturxonimizning eng muhim ichimligiga aylangan, desak, adashmaymiz. Xo‘sh, mazkur sharbatlar haqida nimalarni bilishimiz kerak? Marhamat, tanishing.
Bizning fikrimizcha: yangi sharbatlarni och qoringa ichib bo‘lmaydi, aks holda oshqozon buziladi.
Aslida: yangi siqilgan sharbat ham boshqa ichimliklardan farq qilmaydi. U xoh qadoqlangan sharbat bo‘lsin, xoh kisel. Sharbat och qoringa ichilganda oshqozon kislotasi ishlab chiqarish yaxshilanadi, shu bois, uni avval ichib, so‘ng ovqatlangan ma’qul. Oshqozon kasalliklariga uchragan insonlarga esa sharbatlar, aynisqa, ananasli, apelsinli sharbatlar nojo‘ya ta’sir ko‘rsatadi.
Bizning fikrimizcha: bolalarga mo‘ljallangan qadoqdagi sharbatlar, odatdagilaridan ancha yaxshi, uning tarkibida shakar kam bo‘ladi.
Aslida: «Bolalar uchun mo‘ljallangan» sharbatlarning marketing xususiyatlari ko‘proq. Undagi shakar tarkibiga kelsak, odatdagilari bilan bir xil miqdorda bo‘ladi.
Bizning fikrimizcha: qadoqlangan sharbatlarning hech qanday foydasi yo‘q.
Aslida: qadoqlangan sharbatlar qayta ishlash jarayonida ko‘p miqdorda S vitaminini yo‘qotadi. Yangi siqilgan sharbatlarda esa miqdori ko‘p bo‘ladi. Shu bois uning foydasi unchalik yo‘q. Juda ham ozg‘in yoki katta jismoniy kuch sarflaydigan insonlar uchun qadoqlangan sharbatlar yaxshi natija beradi. Boshqalar uchun bunday sharbatlar qonda shakar miqdorining va tanadagi yog‘ qatlamining ko‘payishiga olib keladi.
Bizning fikrimizcha: shisha idishdagi sharbat qadoqlanganlariga qaraganda zararli emas.
Aslida: sharbat undagi shakar miqdori sabab zararli. Shu bois, uning qanday idishda ekani ahamiyatsiz. Qolaversa, qadoqdagi sharbatlar qolganlariga qaraganda uzoq saqlanadi.
Xulosa qilib aytganda, yangi yoki qadoqlangan sharbatmi, ikkisi ham yaxshi tanlov. U mevalardan tayyorlanadi va vitaminlarga boydir. Shuning uchun sog‘lig‘imiz uchun ularning faqatgina foydasi bor.
Manba: xabar.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qahva va saraton: olimlardan zo‘r yangilik!
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Erdo‘g‘on terrorchilar haqida keskin gapirdi
Rossiyaning harbiy operatsiyadagi manyovri Ukrainani hayratga soldi
Moskvadagi terakt bo‘yicha yana uch kishi ushlandi
Rossiya qo‘shinlari Avdeyevkadagi ikkita qishloqni egallab oldi
Emmanuel Makron: “Ukraina tez orada qulashi mumkin”
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi