13:39 / 05.02.2018
10 671

Endi kollejlarda o‘qish pullik bo‘ladi

Endi kollejlarda o‘qish pullik bo‘ladi
2018-2019 o‘quv yilidan boshlab oldingi, 11 yillik majburiy ta’lim tizimiga o‘tish munosabati bilan kollejlar faoliyatini qayta tashkillashtirishga qaror qilindi. Bundan buyon O‘zbekistondagi barcha kollej turidagi o‘quv muassasalarida o‘qish to‘lov-kontrakt asosida amalga oshiriladi, deb xabar qildi «Sputnik».

Bepul o‘qish faqat alohida toifadagi fuqarolar, jumladan kam ta’minlangan oilalar uchun saqlanib qoladi.

Qarorda aytilishiga ko‘ra, davlat bepul o‘qish uchun grantlar ajratadi. Grant asosida o‘qishni bitirgan talabalar o‘z kasbi bo‘yicha viloyatlarda kamida 3 yil mehnat qilishlari shart bo‘ladi.

Hujjatda qayd etilishiga ko‘ra, kollejlarning davlat tomonidan moliyalashtirilishi rejali tartibda qisqartirib boriladi. Uch yildan keyin esa, 2017 yilda o‘qishga kirgan talabalar bitirganidan so‘ng, kollejlarning davlat tomonidan moliyalashtirilishi to‘xtatiladi.

Shundan so‘ng kollejlar o‘quvchilarining kontrakt puli, ular biriktirilgan muassasalar, sanoat korxonalari va banklar homiyligi asosida kun kechiradi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Endi kollejlarda o‘qish pullik bo‘ladi