14:53 / 12.03.2018
4 856

Buxoroda surxondaryolik kissavur ayollar qo‘lga olindi

Buxoroda surxondaryolik kissavur ayollar qo‘lga olindi
G‘ijduvon tuman IIBga, Navoiy viloyati, Xatirchi tumani, Yangirabod MFY, Shirinobod qishlog‘ida yashovchi 1988 yilda tug‘ilgan Zulfiya G‘afforova ariza orqali murojaat qilib, 6 mart kuni soat 10:35 larda “Xo‘jai Jahon” savdo majmuasiga xarid qilish uchun kirgan vaqtida qo‘lidagi sumkasini kesish qo‘li bilan uning ichida bo‘lgan 900.000 so‘m naqd pullari o‘g‘irlab ketilganligini bildiradi.

Tezkor xodimlar tomonidan olib borilgan tadbirlar natijasida ushbu jinoyatni Surxondaryo viloyati, Sariosiyo tumani, Sariosiyo MFY, Do‘stlik qishlog‘ida yashovchi, 1964 yilda tug‘ilgan Shamsiyeva Shiringul Mirzomurodovna va shu manzilda yashovchi, 1989 yilda tug‘ilgan G‘ulomova Nargiza Ismoilovnalar sodir qilganliklari aniqlanib, shu kunning o‘zida ularning har ikkalasi daliliy ashyolar bilan qo‘lga olinganlar.

Mazkur holat yuzasidan Sh.Niyozova va N.G‘ulomovalarga nisbatan O‘zbekiston Respublikasi Jinoyat kodeksining 169-moddasi 2-qismi “a,v” bandlari bilan jinoyat ishi qo‘zg‘atilgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)