2018 yilning 30 mart kuni ijtimoy tarmoqlarda “Tarbiyachi bolalarni urmoqda” sarlavhali videomaterial e’lon qilingan edi. Ushbu holat yuzasidan Maktab ta’lim vazirligi tomonidan tezkor guruh tuzilib, surishtiruv ishlari olib borildi. Bu haqda vazirlik axborot xizmatiga tayanib Kun nashri xabar qilmoqda.
Surishtiruv davomida quyidagilar aniqlandi:
Mazkur videomaterial 2018 yilning 27 mart kuni Jizzax shahridagi №39 “Navro‘z” maktabgacha ta’lim muassasasida, ushbu bog‘chada hozirda amaliyot o‘tayotgan Jizzax davlat pedagogika instituti 1-kurs talabasi Sh.K. tomonidan suratga olingan va ijtimoiy tarmoqlarga tarqatib yuborilgan.
Videomaterialda mazkur bog‘cha tarbiyalanuvchilarini qo‘lidagi fayl papka bilan urayotgan tarbiyachi esa shu bog‘chada 2007 yildan buyon ishlayotgan oliy ma’lumotli, pedagog (Jizzax davlat pedagogika institutini tamomlagan), 1981 yilda tug‘ilgan Mohira Mamatqulova ekanligi aniqlangan.
Surishtiruv davomida, tarbiyachi M.Mamatqulovaning 11 yillik ish faoliyati davomida kamchilik kuzatilmaganligi, 2018 yilning 27 mart kuni esa u oilaviy muammolari tufayli asabiylashganligi va kayfiyati yo‘qligi sabab tarbiyalanuvchilarni qo‘l ishlatish yo‘li bilan tinchlantirishga harakat qilganligini bayon etgan.
Maktabgacha ta’lim vazirligi o‘tkazgan tezkor surishtiruv yakuni bilan O‘zbekiston Respublikasi Mehnat kodeksining 100-moddasi 4-qismiga binoan tarbiyachi Mohira Mamatqulova bilan tuzilgan mehnat shartnomasi bekor qilinib, qonuniy chora ko‘rish uchun Jizzax shahar prokuraturasiga hujjatlar topshirilgan. Hozirda prokuratura organlari tomonidan surishtiruv ishlari davom etmoqda.
Shuningdek, mazkur maktabgacha ta’lim muassasasining mudirasi vazifasini 2018 yilning 27 mart kunidan buyon bajarib kelayotgan Nafisa Gulmurotova, tarbiyachi yordamchisi Dilbar Xamroyeva hamda hamshira Gulnoza Xolmamatovalar bilan tuzilgan mehnat shartnomalari ham bekor qilingan.
Bugun, 31 mart kuni Jizzax shahrida Maktabgacha ta’lim vazirligi rahbariyati, Jizzax viloyati maktabgacha ta’lim boshqarmasi, tuman va shahar maktabgacha ta’lim bo‘limlari rahbarlari, Jizzax shahridagi barcha MTM mudiralari va tarbiyachilari (jumladan “Navro‘z” nomidagi №39 MTM xodimlari) ishtirokida kengaytirilgan yig‘ilish o‘tkazilib, bunday noxush holatlarni takrorlamaslik va har bir xodim o‘z ishiga mas’uliyat bilan yondashishi lozimligi ko‘rsatib o‘tilgan.
Yig‘ilish davomida o‘z ishida jiddiy kamchiliklarga yo‘l qo‘ygani uchun Jizzax shahar maktabgacha ta’lim bo‘limi boshlig‘i Faxriddin Qodirov egallab turgan lavozimidan ozod etilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Damas uchun onlayn kontraktatsiya ochiladi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
O‘zbekistonda o‘tgan uch oyda qancha avtomobil ishlab chiqarilgan?
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi
