O‘zbekistonlik arxeologlar Markaziy Osiyo tarixida ilk bor ko‘p kishining surati chizilgan yog‘och panno topib olishdi, deb xabar qilmoqda O‘zbekiston Fanlar akademiyasi.
Ushbu shohona saroy Kofirqal’a nomli arxeologik yoodgorlikda joylashgan bo‘lib, bu yerda 2001 yildan boshlab esa 16 gektarli maydonda Arxeologiya instituti mutaxassislari keng qamrovli arxeologik qazishma ishlarini olib borishmoqda.
Qadimiy shaharda o‘tkazilgan qazilma ishlari natijasida yong‘in oqibatida vayronaga uchragan Milodiy 5-6 asrlarga mansub qal’a (Arki a’lo) va uning ichida joylashgan tantanalar zali topilgan.
Milodiy 5-6 asrlarga tegishli majmuada Samarqand hukmdorlarining davlat arxivi va yozgi saroyi joylashgan bo‘lib, yong‘in tufayli vayronaga uchragan arxivdan noyob davlat hujjatlari, elchilik xatlari, davlatlararo shartnomalar va bulla deb atalgan taxtakachlarda sug‘diy yozuv namunalari topildi.
Saroyning yog‘och ustunli ko‘rkam xonalaridan birida uch yarusli sufa, sufa ustidagi taxtiravonda esa shersifat ko‘rinishidagi hukmdor o‘tiribdi. Xonaning devorlari yog‘och o‘ymakorligi uslubida chizilgan rasmlar (panno) galereyasi bilan bezatilgan.
Arxeologlar tomonidan topilgan, yaxshi saqlanib qolgan pannoning o‘lchamlari 124x141 sm., U o‘zi ikkita keng taxtadan iborat bo‘lib, ular temir tutqich bilan biriktirilgan. Pannoda to‘rt qatorda jami 46ta inson qiyofalari chizilgan.
Kompozitsiyaning asosiy mavzusi — sher shaklida taxtda o‘tirgan bosh Ilohga sajda qilishdir. Bu zardushtlar bosh ma’budasi buyuk xudo — Nana ekanligi kundek ravshan. Odamlar uning huzuriga turli xil sovg‘alar bilan kelganlar. Pastki qavatda musiqachilar galareyasi tasvirlangan. Undan keyingi pastki qavatda yana qo‘llarida turli xil sovg‘a-salomlar bilan kelgan ziyoratchilar suratlari tiz cho‘kkan holda aks ettirilgan. Shuningdek, pastki qavat suratlar galareyasi markazida muqaddas olov yonib turibdi.
Xabarda aytilishiga ko‘ra, bunday ko‘p figurali aniq suratlar kompozitsiyasi Markaziy Osiyo tarixida ilk bor topilgan bo‘lib, u dunyoviy ahamiyatga ega ekan. Ushbu tarixiy majmuada qazish ishlari davom etmoqda.
Shuningdek, zardo‘shtlik davriga oid ushbu saroy 8 asr boshida arablarning Qutaybo binni Muslim boshchilligidagi harbiy qo‘shini tomonidan yoqib yuborilgan ekan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Sirdaryoda budjetga juda ko‘p miqdorda zarar yetkazgan mayning ferma aniqlandi
Buxoro viloyatida «Neksiya-3» avtomashinasi buklanib qoldi
Nega Tramp Zelenskiyni yomon ko‘radi?
Xotirani yaxshilashning juda oddiy usuli topildi
Davlat xavfsizlik xizmati maklerlarga qo‘shib mansabdorlarni ham qo‘lga oldi
