23:53 / 24.07.2018
5 102

Ayoldan “muammosini duolar orqali hal qilish” uchun 1500 AQSh dollari olgan “folbin”...

Аёлдан “муаммосини дуолар орқали ҳал қилиш” учун 1500 АҚШ доллари олган “фолбин”...
Buxoroda o‘g‘lini harbiy qismga ishga joylashtirish niyatida yurgan ayoldan “muammosini duolar orqali hal qilish” evaziga 1500 AQSh dollarini olgan “folbin” va uning hamtovog‘i qo‘lga olindi.

Fuqaro D.Kamolovaning arizasi asosida olib borilgan tergovga qadar tekshiruvlar davomida aniqlanishicha, G‘ijduvon tumanida yashovchi fuqarolar Qudratov Nurillo Hikmatullayevich hamda Ergashev Bozor Ramazonovichlar oldindan o‘zaro jinoiy til biriktirib, fuqaro D.Kamolovani aldash va ishonchini suiste’mol qilish yo‘li bilan, g‘araz va past niyatda uning mulkini qo‘lga kiritishni ko‘zlab, o‘g‘li F.Bo‘ronovni Qarshi shahridagi 59-sonli harbiy qismga ishga joylashtirishni va’da qilib, 1500 AQSh dollarini talab qilib olib, firibgarlik jinoyatini sodir qilishgan.

Ushbu jinoyatning kelib chiqish sabablari va bunga sharoit yaratib bergan omillar o‘rganilganda, fuqaro Nurillo Qudratov uzoq yillardan buyon folbinlik va tabiblik bilan shug‘ullanib kelayotganligi, o‘zining va oilasidagi muammolarini “duo o‘qitish”, “fol ko‘rsatish” orqali hal etishga mukkasidan ketgan D.Kamolova esa “folbin janoblari”ning uyiga tez-tez borib duo o‘qitib kelishga odatlanganligi ayon bo‘lgan. Bundan tashqari, ayolning barcha muammolaridan xabardor bo‘lgan va uning sodda, ishonuvchan ekanligidan foydalangan “Nurillo folbin” esa, o‘zining tanishi bo‘lgan “hojatbaror” Bozor Ergashevni u bilan tanishtirib, go‘yoki, o‘g‘lini ishga joylashtira oladigan “amaldor”ni topib berib, uni aldab, pora berishda dalolatchilik qilganligi, 1500 AQSh dollarini qo‘lga kiritgan Bozor Ergashev esa, salkam 8 oydan buyon ayolni laqillatib, o‘g‘lini ishga joylashtirmasdan, olgan pullarini ham qaytarib bermasdan, ushbu pullarni o‘zining ehtiyojlari uchun sarflab yuborganligi aniqlandi.

Mazkur holat yuzasidan Qudratov Nurillo Hikmatullayevich hamda Ergashev Bozor Ramazonovichlarga nisbatan O‘zbekiston Respublikasi Jinoyat Kodeksining 168-moddasi 2-qismi va 28-211 moddasi 1-qismi bilan jinoyat ishi qo‘zg‘atilib, Shofirkon tuman prokuraturasi tomonidan tergov harakatlari olib borilmoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Ayoldan “muammosini duolar orqali hal qilish” uchun 1500 AQSh dollari olgan “folbin”...