09:26 / 15.08.2018
4 091

Litseyga «kiritish» uchun 2 000 dollar olmoqchi bo‘lgan direktor va uning o‘rinbosari qo‘lga tushdi

Litseyga «kiritish» uchun 2 000 dollar olmoqchi bo‘lgan direktor va uning o‘rinbosari qo‘lga tushdi
Oliy ta’lim muassasalaridan biri qoshidagi Akademik litsey direktori — 36 yoshli Y.Alisher va uning o‘rinbosari — 49 yoshli M.Alisher 2 000 AQSh dollari evaziga ushbu ta’lim dargohiga o‘qishga olib kirib qo‘yishni va’da bergani haqida huquq-tartibot organlariga ma’lumot kelib tushadi.

Shunga ko‘ra, Mirzo Ulug‘bek tumani prokuraturasi va Toshkent shahar IIBB JQB Iqtisodiy xavfsizlik va korrupsiyaga qarshi kurashish bo‘limi tomonidan tezkor tadbir rejasi ishlab chiqilib, gumonlanuvchi shaxslar talab qilingan xorijiy valyutani olayotgan vaqtda qo‘lga olindi.

Toshkent shahar IIBB matbuot xizmatining xabar berishicha, mazkur holat yuzasidan Mirzo Ulug‘bek tuman prokuraturasi tomonidan O‘zbekiston Respublikasi Jinoyat Kodeksining 210-moddasi bilan jinoyat ishi qo‘zg‘atilib, hozirda tergov ishi olib borilmoqda va gumonlanuvchilarning shu turdagi boshqa jinoiy ishlarga aloqadorligi o‘rganilmoqda. Surishtiruv natijalariga ko‘ra jinoyatning asl sabablari va omillariga aniqlik kiritiladi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Litseyga «kiritish» uchun 2 000 dollar olmoqchi bo‘lgan direktor va uning o‘rinbosari qo‘lga tushdi