20:30 / 17.08.2018
3 305

Emomali Rahmon: “Biz hech qachon qo‘shnilarimizni suvsiz qoldirmaymiz”

Emomali Rahmon: “Biz hech qachon qo‘shnilarimizni suvsiz qoldirmaymiz”
Foto: Prezidentning Matbuot xizmati
O‘zbekiston va Tojikiston o‘rtasida turli sohalarda bitim va shartnomalarni imzolash marosimi yakunlangach, ikki davlat rahbarlari ommaviy axborot vositalari xodimlari uchun tashkil etilgan brifingda bayonot berishdi.

“Xabar.uz” nashrining ma’lum qilishicha, Zarafshon daryosining Tojikiston qismida ikkita gidro elektr stansiyasi qurish imkoniyatlari o‘rganilmoqda. Bu obyektlar ikki davlat kompaniyalari tomonidan qurilishi mumkin.

Shuningdek, Tojikistonning Sarez ko‘li ichimlik suvidan birgalikda foydalanish imkoniyatlari ko‘rib chiqiladi.

“Men ko‘p ko‘p bora ta’kidlaganman. Biz hech qachon qo‘shnilarimizni suvsiz qoldirmaymiz. Aksincha, bugungi muzokaralar davomida qo‘shnilarimizni ichimlik suvi bilan ta’minlash maqsadida Sarez ko‘lining suvlaridan hamkorlikda foydalanish masalasini ko‘rib chiqish bo‘yicha topshiriqlar berdim”, — deya ta’kidladi Emomali Rahmon.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)