27 avgust kuni Oʻzbekiston prezidenti Shavkat Mirziyoyev raisligida Prezident devoni xodimlari ishtirokida yigʻilish oʻtkazildi.
“Kun.uz” maʼlumot berishicha, yigʻilishda bir qator tashkiliy masalalar koʻrilgan. Jumladan, yana bir bor majlisbozliklarga barham berish haqida gapirilgan.
Prezident majlislar vaqtini ham kamaytirish boʻyicha topshiriq bergan — majlislar vaqti 1,5 soatdan oshmasligi kerakligi belgilangan. Kunning noqulay paytlarida, tong saharlab yoki yarim kechada yigʻilishlar oʻtkazish qatʼiyan cheklanib, yigʻilishga bevosita aloqasi boʻlmagan korxonalar, idoralar va jamoat tashkilotlarining rahbar va xodimlarini, fermer va tadbirkorlar umuman taklif etilmaydi.
Shuningdek, mansabdor shaxslar endi shanba kuni soat 17:00gacha ishlab, yakshanba kuni ishga chiqmaydi.
Prezident davlat mansabdorlari yakshanba kunlarida dam olib, vaqtini oilasi bilan oʻtkazishi lozimligini aytib oʻtgan.
Eslatib oʻtamiz, 2017 yilning bahorida davlat rahbari respublika darajasidagi rahbarlar uchun “favqulodda holat” eʼlon qilib, kuchaytirilgan tartibda ish olib borilishini aytgan edi. Shundan soʻng, davlat amaldorlari “24 soatlik rejim”da ishlay boshlashgandi.
Bundan oldinroq yigʻilish davomida prezident devoni tuzilmasida jiddiy oʻzgarishlar roʻy bergani, Xayriddin Sultonov va Qahramon Quronboyev davlat maslahatchisi lavozimini tark etgani xabar qilingandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?