3 836
Shermatov: “Yoshlarimizni oʻqishga motivatsiyasini oshirishga birgalikda harakat qilaylik!”
Oʻzbekiston xalq taʼlimi vaziri Sherzod Shermatov Facebookʻdagi sahifasida yoshlarning oʻqishga motivatsiyasini oshirish taklifi bilan chiqdi.
"Prezidentimiz tomonidan xalq taʼlimi tizimini tubdan yaxshilash boʻyicha boshlangan tashabbusni qoʻllash maqsadida barcha vazirlik va idoralar rahbarlariga 5 sentyabr kuni oʻzlari oʻqigan maktabga borib, yangi oʻquv yili boshlanishi munosabati bilan oʻtkaziladigan tadbirda ishtirok etishlarini soʻrab murojaat qilgan edik.
Unga koʻra, maktabdagi tadbirda har bir rahbar oʻzining hayotidan misollar keltirib, ular erishgan muvaffaqiyatlarda maktabdagi taʼlim va tarbiyaning roli katta boʻlgani, qolaversa, oʻquvchilarga maktab davrida yaxshi oʻqib, vaqtdan unumli foydalanish muhimligi haqida qisqacha maʼruza qilib berish taklifi berilgandi.
Quvonarlisi, koʻpchilik vazirlik va idoralar rahbarlari hamda joylardagi hokimlar tomonidan ushbu taklif ijobiy qabul qilinib, 5 sentyabr kuni maktablardagi tadbirlarda qatnashishga tayyor ekanliklari bildirildi.
Shuningdek, maktab bitiruvchilari orasida hayotda koʻpchilik havas qiladigan boshqa soha vakillari ham koʻp. Ular orasida bugungi kunda taniqli tadbirkorlar va xalq xizmatida yurgan insonlarning jamiyatda tutgan oʻrni beqiyos.
Fursatdan foydalanib, ularni ham 5 sentyabr kuni oʻz maktablariga kelib, yoshlarni oʻz hayotiy tajribalari asosida motivatsiya qilishga hissa qoʻshishga taklif etamiz. Bu oʻquvchilarda oʻzi oʻqiyotgan maktabdan faxrlanish tuygʻusi hamda yanada yaxshiroq oʻqishga intilish shakllanishiga oʻziga xos turtki boʻladi.
Maktablarda muammolar va qilinishi kerak boʻlgan ishlar juda koʻp, lekin eng asosiysi, bolalarimizni oʻqishga chin dildan qiziqtira olsak, eng katta natijaga erishgan boʻlamiz. Shunda ular qiyinchiliklarga qaramay oʻzlari oʻqishga intiladigan boʻladilar.
Prezidentimiz tomonidan boshlangan xayrli ishlarga oʻz hissangizni qoʻshganingiz hamda ushbu taklifni qoʻllab-quvvatlaganingiz uchun oldindan minnatdorchilik bildiramiz.
PS. Hurmatli sobiq maktab bitiruvchilari, Siz kabi yana boshqa muvaffaqiyatli sinfdoshlaringizni ham mazkur taklifga jalb etish uchun ushbu postni doʻstlaringizga ulashing hamda ularni teg qiling”, - deb yozadi Sherzod Shermatov. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Eronning Isroilga hujumi shunchaki spektakl edimi?..
Mojarodan so‘ng Ukrainani nima kutayotgani ma’lum bo‘ldi
Davlat xavfsizlik xizmati maklerlarga qo‘shib mansabdorlarni ham qo‘lga oldi
«Real Madrid» ustozi Karlo Anchelotti kechagi g‘alabadan so‘ng nimalar dedi?
“Tolibon” Eronning Isroilga qarshi hujumini qo‘llab-quvvatladi
Xotirani yaxshilashning juda oddiy usuli topildi