21:16 / 11.10.2018
5 163

Oʻzbekistonda yana bir hokim oʻrinbosari pora bilan ushlandi

Oʻzbekistonda yana bir hokim oʻrinbosari pora bilan ushlandi
Surxondaryo viloyati Qumqoʻrgʻon tumani hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari pora bilan qoʻlga olindi. Bu haqda Kun.uzxabar bermoqda.

Qayd etilishicha, Departamentning Surxondaryo viloyat boshqarmasi, viloyat prokuraturasi hamda viloyat DXX boshqarmasi xodimlari hamkorlikda fuqaro M.A.ning arizasiga asosan oʻtkazilgan tezkor tadbirda, Qumqoʻrgʻon tumani hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari F.A. “Ayub Baraka servis” MCHJ rahbari M.A.dan Qumqoʻrgʻon tuman markazidan tadbirkorlik faoliyatini yuritish uchun 0,08 ga. yer maydonini noturarjoy sifatida berilishini vaʼda qilib, 5000 AQSH dollarini pora tariqasida olgan vaqtida ashyoviy dalillar bilan ushlangan.

Mazkur holat yuzasidan Oʻz.R.JKning 210-moddasi 2-qismi “v” bandi bilan jinoyat ishi qoʻzgʻatilib, tergov harakatlari olib borilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)