13:27 / 17.10.2018
4 561

Toshkentda bank xodimlari 31 ming AQSh dollarini ko‘chada sotayotganda qo‘lga olindi

Toshkentda bank xodimlari 31 ming AQSh dollarini ko‘chada sotayotganda qo‘lga olindi
«UzNews.uz» manbaasining xabar qilishicha, Toshkent shahar DXX boshqarmasi hamda Bosh prokuratura huzuridagi iqtisodiy jinoyatlarga qarshi kurash departamenti boshqarmasi xodimlari hamkorlikda tadbir tashkil etishdi. "Aura" kafesida o‘tkazilgan tadbir natijasida Akmal Askarov tomonidan 12 ming AQSh dollarini sotishga urinayotgan vaqtda qo‘lga olingan.

A.Askarov, Sergeli tumanidagi «Ipotekabank» filiali rahbari sifatida faoliyat yuritgan, 12 ming AQSh dollarini 99.600.000 so‘mga sotayotgan bo‘lgan.

A.Askarovni tekshirish jarayonida uning yonidan 12.601 AQSh dollari aniqlangan.

Shu kunning o‘zida «Osiyo Grand» tantanalar saroyi avtoturargohida 19 ming AQSh dollarini sotishga urinish holati ham aniqlangan.

«Trastbank» filiali rahbari lavozimida ishlagan Rustam Mirkarimov, «Trastbank» bosh ofisi xodimi Jamshid Ismailov va fuqaro Nuriddin Burxonovlar 19 ming dollarni 160 million so‘mga almashtirish jarayonida qo‘lga olingan.

Tadbir yakunida, ushbu fuqarolardan noqonuniy muomalaga kiritilgan 19.000 AQSh dollari, J.Ismailovning o‘zidan 1.008 AQSh dollari va 85.208.000 so‘m pul mablag‘lari ashyoviy dalil sifatida olingan.

Ikki holat yuzasidan Jinoyat kodeksining 177-moddasiga asosan jinoyat ishi qo‘zg‘atilgan.Tergov ishlari olib borilmoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Toshkentda bank xodimlari 31 ming AQSh dollarini ko‘chada sotayotganda qo‘lga olindi