O‘zbekiston Xalq ta’limi vazirligi “O‘qituvchi maqomi to‘g‘risida” qonun loyihasini ishlab chiqdi va uni normativ-huquqiy hujjatlar loyihalari muhokamasi portaliga joylashtirdi.
2018 yilning iyun oyida Shavkat Mirziyoyev xalq ta’limi sohasida keng ko‘lamli islohotlarni boshladi va Xalq ta’limi vazirligining yangi jamoasiga jamiyatda o‘qituvchi maqomini oshirish bo‘yicha qator vazifalar qo‘yildi. Unga ko‘ra Xalq ta’limi tizimini takomillashtirish bo‘yicha Prezident farmonlari va qarorlari qabul qilindi.
Jumladan, 2018 yilning 5 sentyabr kuni “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida” Prezident qarori qabul qilindi.
Mazkur hujjatda “O‘qituvchi maqomi to‘g‘risida” qonun loyihasini ishlab chiqish va Vazirlar mahkamasiga taqdim etish vazifasi qo‘yilgan edi.
Qonun loyihasi o‘qituvchilarning maqomini va pedagogik faoliyat prinsiplarini hamda o‘quvchilarning malakasini oshirish bo‘yicha tizimni belgilab beradi.
Hujjatda o‘qituvchilarning sha’ni va qadr-qimmati kafolatlari belgilanadi. Xususan, o‘qituvchilarning ish haqidan qonunchilikda ko‘zda tutilmagan to‘lovlarni, jumladan davriy nashrlarga obuna bo‘lish, asossiz maoshidan ushlab qolish taqiqlanadi.
Qonun loyihasiga ko‘ra, ta’lim muassasalari o‘qituvchilarini majburiy mehnat, shahar va tuman hududlarini ko‘kalamlashtirish va obodlashtirish ishlariga, metallolom va makulatura yig‘ishga, qishloq xo‘jaligidagi mavsumiy va shunga o‘xshash boshqa ishlarga jalb etish taqiqlanadi.
Ota-onalar o‘qituvchining professional majburiyatlari doirasiga kiradigan masalalarga asossiz aralashish huquqiga ega emaslar.
Qonun loyihasida o‘qituvchilarning ijtimoiy himoyasi va individual pedagogik faoliyatga doir huquqlarini belgilab berish ham ko‘zda tutilgan.
O‘zbekiston Xalq ta’limi vazirligi “O‘qituvchi maqomi to‘g‘risida”gi qonun loyihasini yanada takomillashtirish uchun barchani, jumladan malakali pedagoglarni muhokamaga chorlaydi.
Qonun loyihasining muhokamasi 2018 yilning 15 noyabriga qadar davom etadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH elchisi: “Rossiya Ukraina poytaxtiga gipertovushli raketalar bilan zarba berdi”
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi
Netanyahu Isroil delegatsiyasining AQSHga safarini bekor qildi
Dubay hukmdorining eng go‘zal qizi qanday hayot kechiradi?
AQSH rasmiylari: Millionlab amerikaliklar xitoylik hakerlar hujumiga uchragan
Rossiya qo‘shinlari Avdeyevkadagi ikkita qishloqni egallab oldi