17:03 / 11.12.2018
3 461

Toshkentda yana bir avtobus yondi

Toshkentda yana bir avtobus yondi
Foto: Toshkent shahar IIBB
Bugun, 11 dekabr kuni Toshkent shahrining Navoiy ko‘chasida «4-avtobus saroyi» MChJga qarashli «Mercedes-Benz Low Floor» rusumidagi yo‘lovchi avtobusi yonib ketdi. Bu haqda Toshkent shahar IIBB xabar berdi.

Ma’lum qilinishicha, Erkin – Oloy bozori yo‘nalishida harakatlangan avtobus Navoiy ko‘chasidan yurayotganida to‘satdan olov olgan.

Yong‘in haqida navbatchi qismga soat 7:23da ma’lumot kelib tushgan. O‘t o‘chiruvchilar sa’y-harakati bilan 7:29da yong‘in o‘chirilgan. Haydovchi va yo‘lovchilar jabrlanmagan.

Dastlabki xulosalarga ko‘ra, avtobusning yoqilg‘i tizimidagi nosozlik yong‘inga sabab bo‘lgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Toshkentda yana bir avtobus yondi