6 587
Vasilev O‘zbekistonga sayohati haqida: "Toshkentdagi bozorda meni deyarli tilka pora qilishdi" (foto, video)
San’atshunos Aleksandr Vasilev chin qalbdan O‘zbekistonni yaxshi ko‘radi. Buxoro bozorlarida yangi liboslar sotib olish, Toshkentdagi O‘zbekiston Davlat san’at muzeyida suratlarni tomosha qilish uning jonu dili. Aleksandr Vasilev Sputnik O‘zbekiston muxbiriga o‘zining O‘zbekiston bo‘ylab qilgan sayohati haqida batafsil hikoya qilib berdi.
- Aleksand Aleksandrovich, bu sizning O‘zbekistonga birinchi tashrifingiz emas. O‘zbekistonda sizni qanday kutib olishadi?
- O‘zbekistonda meni do‘stona kutib olishadi. Har bir shaharda ko‘plab insonlar men bilan suratga tushib, dastxat olishni xohlashadi.
Shunday holatlar bo‘ladiki, ayniqsa, Toshkentda: meva-cheva sotuvchi ayollar sabzavot sotuvchi ayollar bilan urushib ketishadi va mening yengimdan ikki tarafga tortib, aynan ularning peshtaxtalari oldiga borishimni istashadi. Bu odamni quvontiradi, albatta. Chunki men Sharqda aziz mehmon, O‘zbekiston esa turizm uchun yuksak darajadagi mamlakat.
- Cizni mamlakat nimalari bilan o‘ziga jalb qiladi?
- Biz Ipak yo‘liga tashrif buyuramiz. Odatda yo‘limizni Xivadan boshlaymiz, keyin Buxoro, Samarqand va Toshkent sari yo‘l olamiz. Shu sayohatning o‘zi mehmondo‘st va juda nazokatli mamlakatning boy tarixi, arxitektura va urf-odatlari haqida tasavvurga ega bo‘lish uchun kifoya.
Menga Xiva juda yoqadi. Chunki u uzoqda joylashgan va turistlar nigohida Samarqand va Toshkentga qaraganda unchalik mashhur emas. Binolar, savdo va turmush tarzining o‘zgarmaganligi meni hayratga soladi. Chunki bu shaharda hozirgacha yog‘och o‘ymakorligi, to‘qimachilik, mo‘ynado‘zlik, kulolchilik bilan shug‘ullanuvchi ustaxonalar mavjud. Bularning barchasi o‘zining qadimiy dastlabki holatini saqlab qolgan. Toshkentga yaqinlashgan sari turistlar didiga moslashtirilgan narsalar ko‘payib boradi, ayniqsa, zargarlik buyumlari.
Buxoro - juda qadimiy shahar. Bu shaharda o‘z vaqtingni o‘tkazging keladi. Samarqand – muhtasham va ziynatli shahar. Lekin bu yerda qazish ishlari olib borilmagan, eski shaharning kuyik qoldiqlari topilmagan. Ular topilgunga qadar yashashni orzu qilaman. Va biz qadimiy Samarqand hunarchiligini o‘rganamiz.
Toshkent O‘zbekistonning boshqa shaharlariga nisbatan ancha yevropalashgan shahardir. Ammo u ham o‘zining an’analari bilan go‘zal.
Bu yerga urush vaqtida ko‘plab qochoqlar kelgandi, ular orasida ziyolilar ham juda ko‘p edi. Bu akademik, ilmiy, ajoyib san’at muzeyi bor shahardir (tahr.: O‘zbekiston Davlat san’at muzeyi). Men bu muzey kolleksiyalarini juda yaxshi ko‘raman. Afsuski, u ta’mirlash ishlari uchun yopiladi va biz uzoq muddat ushbu san’at asarlaridan bahramand bo‘lolmaymiz.
[media=https://www.youtube.com/embed/oU7Jbmq33FQ]
Men Toshkentda kinorejissyor Rustam Hamdamovning uyida bo‘ldim. Uning suratlar kolleksiyasidan juda rohatlandim. Uning singlisi bilan do‘stlashdim. Bu hammasi juda ta’sirli va chiroyli edi.
O‘zbekiston turistlar orasida mashhur. Hozir mamlakatga tashrif buyurish urfga kirgan. Ammo men davlat sayohatchilarining katta oqimini uddalay olishiga ishonchim komil emas. Masalan, Xivada birorta lyuks-mehmonxona yo‘q, faqat kichik mehmonxonalar bor.
- Odatda siz O‘zbekistondan nima olib kelasiz?
- Har doim o‘zimga yangi chopon, yangi sharf sotib olaman – bu ajoyib deb hisoblayman. Moskvada bu chopon va sharflarni “Modnыy prigovor” s’yomkalarida kiyaman yoki ularni o‘zim bilan boshqa mamlakatlarga olib borib, jon-jon deb kiyaman, masalan, Fransiyada va Litvada. Bularning barchasi men uchun qadrli.
Mening fikrimcha, uyda o‘zbek kulolchilik buyumlari, milliycha tikilgan yostiq yoki dasturxon bo‘lishi ko‘zni quvontiradi.
- O‘zbekiston o‘zining milliy liboslari va gazlamalariga boy. Lekin odamlar milliy liboslarni faqat bayram kunlari kiyishadi. O‘zbeklar o‘zlarining milliy liboslarini har kuni kiyishlari uchun nima qilish kerak?
- Odamlarni har kuni milliy libos kiyib yurishga majburlab bo‘lmaydi. Bu g‘alati ko‘rinadi. Men milliy liboslarni har kun kiyish kerak, deb hisoblamayman. O‘zbekistonda milliy liboslarni kam kiyishadi, deb ham hisoblamayman. Bundan tashqari, ko‘plab dizaynerlar o‘zlarining ishlarida milliy uyg‘unlikni faol ishlatishmoqda.
Men O‘zbekiston o‘zining milliy madaniyatidan uzoqlashgan, deb his qilmayman. U yerda, aksincha, hammasi to‘g‘ri yo‘lga qo‘yilgan.
- O‘zbek dizaynerlari qay darajada? Ular jahon modelerlari bilan raqobatlasha oladilarmi?
- O‘zbek modasi jahon brendlari bilan raqobatlasha olmaydi, lekin raqobatlashishi shart ham emas. Albatta, o‘zbek dizaynerlari tez-tez moda namoyishlari uchun Parij va Milanga borib turishadi, biroq buning ma’nosi va bu uchun pul bormi? Biror bir mahalliy dizayner biror bir mamlakatda har bir aeroportda qo‘yilgan brendlar bilan raqobatlasha olmaydi.
Shu o‘rinda o‘zbek modasining o‘zgacha jozibadorligi bor. O‘zbekistonda barcha gazlamalar qo‘lda to‘qilgan, shuning uchun ularga dunyoda teng keladigani yo‘q.
O‘zbek libosi dizayni hamisha o‘ziga xos xususiyatga ega bo‘lib kelgan. Shablon qilib qo‘yishning imkoni yo‘q, jahon modasining esa bunga toqati yo‘q. Odatda, o‘zbek gazlamasi juda ensiz, 50-60 santimetrdir. Undan libos tikish qiyin. O‘zbek gazlamasi juda chiroyli. Mening chemadonim o‘zbek gazlamasi bilan liq to‘la. O‘zbekistondan bo‘sh chemadon bilan qaytgan hech qanday insonni uchratmadim. Axir, bundan tashqari mo‘ynalar ham borku!
Men hammaga go‘zal mamlakat – O‘zbekiston bo‘ylab ajoyib sayohat qilishlarini tilayman. Chin qalbimdan hayoti davomida hech bo‘lmaganda bir marta borib ko‘rishini tavsiya qilaman. Inson qalbini anglash uchun kerak bo‘lgan joydir. Mamlakatda an’analar, vaqt yaqinligini his etasan, abadiylik va foniylik nima ekanligini tushunib yetasan. Men kelajakda O‘zbekistonga uzum va turshak yeyish uchun jon deb uchib kelaman. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi
