Advokatlik instituti takomillashtirilayotgan bugungi kunda soha xodimlariga nisbatan turli ko‘rinishdagi tazyiqlar uchrab turibdi. Ularni urish, hatto bir-ikki kunga qamab qo‘yish holatlari ham ro‘y berayotir. Advokatlar palatasining Adliya vazirligi bilan o‘tkazgan anonim so‘rovlarning natijalari juda qo‘rqinchli, deb yozmoqda «Advokatnews» o‘z manbasiga tayanib.
«Albatta, bu anonim so‘rovnoma, — deyiladi xabarda, — biroq asosli faktlar ham kam emas. Jumladan, o‘tgan yili Andijon viloyatida ichki ishlar tizimining mansabdor xodimlaridan biri advokatni oldiga chaqirib, uning orderini va ishonchnomasini yirtib tashlagan. Shuningdek, ushbu advokatning himoyasidagi shaxsni ham advokat tomonidan yozilgan kassatsiya tartibidagi arizadan voz kechishga majburlab, bu to‘g‘risida yozib berishini talab qilgan. Ammo advokat uddaburon ekan, o‘z huquqlarining buzilayotgani to‘g‘risida zudlik bilan prokuraturaga murojaat qilib, Advokatlar palatasiga ham bildirgi bergan. Natijada mazkur masala yuzasidan bir qator idoralar bilan muloqotlar olib borilib, tegishli bayonnomalar rasmiylashtirildi. Shunga ko‘ra, Bosh prokuratura va Ichki ishlar vazirligiga bunaqa holatlarning oldini olish masalasini ko‘rib chiqishlarini so‘rab murojaat qildik va ular tomonidan ham bunga tegishlicha munosabat bildirildi. Ayni paytda yuqorida qayd etilgan masalani Bosh prokuratura o‘z nazoratiga olgan bo‘lib, jinoyat ishi ochilgan va ichki ishlar tizimining bir necha xodimi ehtiyot chorasi sifatida qamoqqa olingan. Hozirda tergov-surishtiruv ishlari davom etmoqda.
O‘zbekiston Respublikasi Advokatlar palatasi raisi Alim Ernazarov bu misol yagona holat emasligini ham ta’kidlaydi. Shundan xulosa qilish mumkinki, advokatlarni himoya qilishning ishlangan qulay tizimi yaratilishi kerak. Bu borada qulayroq sharoit yaratish maqsadida respublika Advokatlar palatasiga hozir 4 raqamli qisqa telefon raqami olishga harakat qilinmoqda. Shuningdek, Palata tomonidan advokatlar himoyasini ta’minlashga doir ilk Nizom ishlab chiqildi. Albatta, u hali amaliyotdan kelib chiqib takomillashtirib boriladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!