17:08 / 23.02.2019
5 380

Sun’iy tuxumlar sotilayotgani haqida xabar yuzasidan «O‘rikzor» bozorida tekshiruv o‘tkazildi

Sun’iy tuxumlar sotilayotgani haqida xabar yuzasidan «O‘rikzor» bozorida tekshiruv o‘tkazildi
Foto: O‘zA
Ijtimoiy tarmoqlar orqali O‘zbekiston bozorlarida, xususan, «O‘rikzor» savdo kompleksida sun’iy tuxumlar sotilayotgani haqida xabarlar tarqalgan edi. Bu haqda O‘zA xabar berdi.
Iste’molchilar huquqlarini himoya qilish federatsiyasiga ko‘ra, mazkur holat yuzasidan 2019 yil 22 fevral kuni «O‘rikzor» savdo kompleksi MChJga qarashli do‘konlarda monitoring, ya’ni parranda tuxumi bilan savdo qiluvchi tadbirkorlar bilan birma-bir suhbat o‘tkazilib, savdo yurituvchilarga sanitariya, xususan, tibbiy daftarchalarga ega bo‘lish hamda mahsulotlarga beriladigan veterinariya ma’lumotlarini taqdim etish talablari qo‘yildi.
Shuningdek, savdoda bo‘lgan tuxumlardan namunalar olinib, har bir sotuvchining o‘zi guvohligida qisqa muddatli ko‘rgazmali tekshiruv o‘tkazildi.
Xulosalarga ko‘ra, tekshiruv davomida tuxum namunalari iste’molga yaroqli ekani aniqlandi.
Mutasaddilar tomonidan o‘zaro axborot almashishga kelishilib, nazorat kuchaytirildi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Sun’iy tuxumlar sotilayotgani haqida xabar yuzasidan «O‘rikzor» bozorida tekshiruv o‘tkazildi