Toshkent shahar Shayxontohur tumani davlat soliq inspeksiyasining shaxsiy tarkibi butunlay yangilanadi. Bu haqda Kun.uz’ga Davlat soliq qo‘mitasidagi manba xabar berdi.
Qayd etilishicha, O‘zbekiston Prezidenti Shavkat Mirziyoyev 4 aprel kuni bo‘lib o‘tgan videoselektor yig‘ilishi davomida Toshkent shahridagi qator tumanlar davlat soliq inspeksiyalari shaxsiy tarkibini yangilash haqida topshiriq bergan.
Shuningdek, yig‘ilishda Toshkent shahrining yetti tumanida soliq inspeksiyalari rahbarlari lavozimlaridan ozod etilgan (Uchtepa, Mirobod, Bektemir, Yunusobod, Mirzo Ulug‘bek, Shayxontohur va Sergeli tumanlari - tahr.).
Bundan tashqari, shahar hokimligi va soliq idoralari rahbarlarini byudjetga tushumlarni ta’minlashda sustkashlikka yo‘l qo‘yilganligi qattiq tanqid ostiga olingan.
O‘z navbatida, prezident videoselektoridan keyin Soliq qo‘mitasida navbatdan tashqari yig‘ilish bo‘lib o‘tdi.
Yig‘ilishda davlat rahbari tomonidan faoliyati tanqid qilingan Mirobod, Mirzo Ulug‘bek, Uchtepa, Sergeli, Yunusobod, Bektemir va Shayxontohur tumanlari inspeksiyalari boshliqlarining o‘z lavozimidan ozod etilgani to‘g‘risidagi Davlat soliq qo‘mitasining buyrug‘i e’lon qilindi.
Toshkent shahri davlat soliq xizmati organlarining xodimlar tarkibini zudlik bilan qayta ko‘rib chiqish, ularning lavozimiga layoqatliligi darajasini baholash, xizmat vakolatidan chetga chiqqan holatlar aniqlangan taqdirda, mehnat shartnomasini bekor qilish zarurligi qayd etilgan.
Aynan bu yo‘nalishda ish olib borish uchun maxsus ishchi komissiyasi tuzilib, tizimga mas’uliyatli yosh mutaxassislarni jalb qilish vazifa qilib qo‘yilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
Akademik Qodir G‘ulomov Qo‘shrabotda bo‘ldi
O‘zbekistonda o‘tgan uch oyda qancha avtomobil ishlab chiqarilgan?
Ramzan Qodirovning 19 yoshli qizi medal bilan taqdirlandi
Futzal. Osiyo Kubogi. Tojikiston Yaponiyani guruhda qoldirdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi