Foto: «Uza.uz»
Arxeologlarimiz tomonidan Jizzax viloyati Toshbuloq yodgorligida, dengiz sathidan 2000 metr balandlikda Qoraxoniylar davriga oid shahar qoldiqlari topildi.
Poytaxtimizdagi Milliy matbuot markazida O‘zbekiston Fanlar akademiyasi Arxeologik tadqiqotlar instituti tomonidan «O‘zbekiston arxeologiyasi: yutuqlar, muammolar va istiqbol» mavzusida matbuot anjumani o‘tkazildi.
– Yaqin kunlarda arxeologlarimiz tomonidan Jizzax viloyati Toshbuloq yodgorligida, dengiz sathidan 2000 metr balandlikda Qoraxoniylar davriga oid shahar qoldiqlari topildi, – deydi O‘zbekiston Fanlar akademiyasi Arxeologik tadqiqotlar instituti direktori Farhod Maqsudov. – Ushbu yodgorlik zamonaviy texnologiyalar asosida o‘rganildi. Bu ham bugungi shahar arxeologiyamiz uchun katta yutuq hisoblanadi.
Samarqand viloyati Kofirqala yodgorligida yog‘och panno qoldiqlari topilib, ta’mirlangan. Namangan viloyati Axsikent yodgorligida kazishma ob’ektlari muzeylashtirildi. Samarqandning qadimiy o‘rni Afrosiyob yodgorligidan topilgan ilk o‘rta asrlarga mansub devoriy suratlar hozirgi zamon talablari asosida ta’mirlandi.
Buxoro vohasini qadimdan o‘rab olgan voha devori – Kampir devor qoldiqlari o‘rni ochildi. Termiz shahar yodgorligida yer osti Budda ibodatxonasi va undan «stupa», buddaviy rohib haykali va ma’budlarning koldiklari topildi. Zarafshon vohasi va Amudaryo deltasida olib borilgan tadqiqotlar tufayli Kaltaminor madaniyatining rivojlanishi va uning taraqqiyot yo‘llari, xronologiyasi va yodgorliklarning geologik holatini o‘rganish bo‘yicha yangi ma’lumotlar qo‘lga kiritildi.
Mamlakatimizda qadimdan qabristonlarni obod qilish, yangi qabristonlarni tashkil etish bo‘yicha qator ishlar qilinadi. Ayrim tarixiy ob’ektlarning aksariyati qabristonlar ostida qolib ketgan.
Mamlakatimizda 3 ta Temur darvoza bor. Uni ayrim tarixchilar, jurnalistlar noto‘g‘ri talqin qilishadi. Birinchisi, Jizzax yaqinidagi «Ilon o‘tdi» darasida joylashgan. Ikkinchisi, Surxondaryo va Qashqadaryo viloyatlari orolig‘idagi Darband huduri yaqinida, uchinchisi, Samarqand viloyati Qo‘shrabot tumanida. Tadbirda bu darvozalarning nomi OAV da to‘g‘ri talqin qilinishi kerakligi haqida ham to‘xtalib o‘tildi.
Jurnalistlarning savollariga javob qaytarildi.
Dilobar MAMATOVA
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Tolibon» Moskvadagi terakt tashkilotchilarini yo‘q qilishga va’da berdi
ISHID o‘z tarafdorlarini Isroilda hujumlar uyushtirishga chaqirdi
AQSH politsiyachilarining «aqlli qarori» Legoga ma’qul kelmadi
Emmanuel Makron: “Ukraina tez orada qulashi mumkin”
Olimlar qashshoqlik miyaning tez qarishiga sabab bo‘lishini aniqladilar
Rossiya Ukrainaning harbiy dron yig‘uv inshootlarini yo‘q qildi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Erdo‘g‘on terrorchilar haqida keskin gapirdi