Prezident har bir hokimga kam taʼminlangan oilalar sonini keskin kamaytirish boʻyicha topshiriq berdi

Prezident Shavkat Mirziyoyev Toshkent viloyati hokimligida oʻtayotgan videoselektor yigʻilishida “Har bir oila — tadbirkor” dasturi doirasida Toshkent viloyatiga qoʻshimcha 100 mlrd soʻm ajratilishini maʼlum qildi. Bu haqda Toshkent viloyati hokimligi matbuot xizmati xabar berdi.

“Har bir oila — tadbirkor” dasturi boʻyicha Toshkent viloyati aholisiga 350 milliard soʻm ajratish rejalashtirilgan.

— Markaziy bank tijorat banklari bilan birgalikda yana 100 milliard soʻm ajratish chorasini koʻrsin, — dedi Prezident.

Shuningdek, davlat rahbari har bir hokimga yil yakuniga qadar kam taʼminlangan oilalar sonini keskin kamaytirish, buning uchun mavjud imkoniyatdan samarali foydalanish lozimligi boʻyicha topshiriq berildi.

— Fargʻonada 4 million aholi yashaydi. Toshkent viloyatida 3 million. Fargʻonadan qancha taklif kelayapti. Bu yerda birorta hokim chiqmadi: Bizga yana 3 milliard soʻm kredit ajrating, deb — dedi davlatimiz rahbari. “Zamin” yangiliklarini “Telegram”da kuzatib boring