Foto: O′zA
O‘zbekiston va xorijlik sayyohlar uchun yangi loyihaga qo‘l urildi. Joriy yilning 22—27 avgust kunlari mamlakatda «O‘zbekiston — sivilizatsiya va yo‘llar chorrahasi: imperiyalar, din, madaniyat» nomli madaniy meros haftaligi bo‘lib o‘tadi, bu haqda O‘zA xabar qiladi.
Haftalik tadbirlari O‘zbekistonning to‘rtta shahri — Toshkent, Termiz, Buxoro va Samarqandda o‘tishi belgilangan.
Poytaxtda mazkur madaniy meros haftaligiga bag‘ishlangan matbuot anjumani bo‘lib o‘tdi.
Haftalik doirasida rejalashtirilgan tadbirlar to‘g‘risida O‘zbekiston Respublikasi Bosh vaziri o‘rinbosari A.Abduhakimov, «O‘zbekiston madaniy merosi jahon to‘plamlarida» loyihasi rahbari F.Abduxoliqov va boshqa mas’ul mutaxassislar ma’lumot berdi.
Xususan, 22 avgust kuni Toshkentdagi O‘zbekiston Tasviriy san’at galereyasida xalqaro olimlarning ko‘plab so‘rovlariga binoan mustaqillik yillarida birinchi marta O‘rta Osiyoda I asr o‘rtalarida paydo bo‘lgan, yetarlicha o‘rganilmagan va bir vaqtlar qudratli bo‘lgan Kushon imperiyasi davriga oid noyob asarlar namoyish etiladi.
Surxondaryo viloyatidagi Dalvarzintepa qadimgi shahar qazilmalarida topilgan afsonaviy «Dalvarzin oltini»ning namoyishi ko‘pchilikda qiziqish uyg‘otishi tabiiy.
1972 yilda qazish paytida akademik E.Rtveladze boshchiligidagi bir guruh arxeologlar ushbu mintaqa tarixidagi I asrga tegishli, og‘irligi 36 kg bo‘lgan eng katta oltin buyumlar xazinasini topgan. Bugungi kunga qadar ushbu noyob xazinalar davlat fondida saqlanib kelingan va ular ilgari namoyish etilmagan.
«Bu kabi tarixiy obidalar va noyob topilmalarni avvalo yurtdoshlarimizga ko‘rsatishimiz kerak. Shundagina xorijliklarni qiziqtira olamiz», — dedi A Abduhakimov.
Haftalik doirasida hujjatli film ham suratga olinadi. Bu boradagi o‘rganishlar, press-turlarning tashkil etilishi sayyohlarga to‘liq ma’lumot berishda muhim ahamiyatga ega.
24 avgust kuni Haftalik ishtirokchilari va mehmonlari Termiz shahriga yo‘l oladi. U yerda jahon tarixini o‘rganish borasidagi muhim voqealar bo‘lib o‘tadi. Bu yerda birinchi marta «O‘zbekiston — sivilizatsiyalar chorrahasida» arxeologik konferensiyasi doirasida dunyoning taniqli sharqshunoslari ma’ruzalari tinglanadi.
Termizda Madaniy meros haftaligi qatnashchilari va mehmonlari Surxondaryo viloyatidagi qadimiy shaharlar xarobalari, tarixiy obidalar va diqqatga sazovor joylar, eramizning I-III asrlariga tegishli Budda ibodatxonasi majmuasi, Fayoztepa, shuningdek, Termiz arxeologiya muzeyini ziyorat qilish imkoniyatiga ega bo‘ladi.
Bundan tashqari, «O‘zbekiston — sivilizatsiya va yo‘llar chorrahasi: imperiyalar, dinlar, madaniyatlar chorrahasi» madaniy meros haftaligi doirasida Kushon imperiyasiga bag‘ishlangan hujjatli film va kitoblar taqdimoti o‘tkazilishi rejalashtirilgan.
«O‘zbekiston boy tarixga ega. Surxondaryoning ham tarixi boy. 2015 yilda kapital ta’mirlash ishlari bo‘lgan. Termiz Arxeologiya muzeyiga kirish mumkin bo‘lmagan. Shunda ham hech bo‘lmasa bitta topilmani ko‘rib ketaylik, deb qiziqqan xorijlik sayyohlar ko‘p bo‘lgan. Shuning o‘ziyoq tariximizga bo‘lgan qiziqish yuqoriligidan darak beradi», – deydi Surxondaryo viloyati turizmni rivojlantirish bo‘limi bosh mutaxassisi Z. Alimardonova.
Anjumanda turizm, arxeologik qazilmalar, ko‘rgazmalar haqida ma’lumot berildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»