Adliya vazirligi “Qonunchilikdagi yangiliklar” nomli brifing va matbuot anjumanini tashkil etdi. Matbuot anjumani “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi Qonuni bo‘yicha o‘tkazildi.
Matbuot anjumanida soha mutaxassislari tomonidan Qonunda nazarda tutilgan tartiblar va yangiliklar bo‘yicha ma’lumotlar jurnalistlarga yetkazildi.
Xususan, Qonunga ko‘ra, yer uchastkalarini xususiylashtirish quyidagi shakllarda amalga oshiriladi:
- doimiy foydalanish (egalik qilish) yoxud meros qilib qoldiriladigan umrbod egalik qilish huquqlari asosida tegishli bo‘lgan yer uchastkalarini yuridik va jismoniy shaxslar tomonidan sotib olish;
- yer uchastkalarini elektron onlayn-auksion orqali sotish.
O‘zbekiston fuqarolari bo‘lgan jismoniy shaxslar va O‘zbekiston rezidentlari bo‘lgan yuridik shaxslar yer uchastkalarini xususiylashtirishi mumkin.
Quyidagi yer uchastkalari xususiylashtirilmaydi:
- xususiylashtirilmaydigan foydali qazilmalar konlari, davlat mulkidagi strategik ob’ektlar joylashgan yer uchastkalari;
- rejalashtirish sxemalari bo‘lmagan hududlarda joylashgan yer uchastkalari;
- tabiatni muhofaza qilish, sog‘lomlashtirish, rekreatsiya maqsadlari va tarixiy-madaniy maqsadlar uchun mo‘ljallangan yerlar tarkibiga kiruvchi yer uchastkalari;
- o‘rmon va suv fondlarining, shaharlar va shaharchalarning umumiy foydalanishdagi yerlari (maydonlar, ko‘chalar, tor ko‘chalar, yo‘llar, sohil bo‘ylari, skverlar, xiyobonlar);
- xavfli moddalar bilan zararlangan va biogen zaharlanishga duchor bo‘lgan yer uchastkalari;
- erkin iqtisodiy va kichik sanoat zonalari ishtirokchilariga berilgan yer uchastkalari.
Tadbirda ishtirok etgan jurnalistlar tomonidan soha mutaxassislariga “boshqa hududda doimiy yashovchi fuqarolar tomonidan Toshkent shahridan yer uchastkalarini xususiylashtirib olishi mumkinmi?”, “Chet el investorlari yer uchastkalarini xususiylashtirib olishi mumkinmi?”, “Xususiylashtirilgan yer uchastkalaridan soliq olinadimi?” kabi savollar bilan murojaat qilishdi.
Soha mutaxassislarining so‘zlariga ko‘ra, mazkur Qonunga ko‘ra yuridik va jismoniy shaxslar tomonidan xususiylashtirilib olingan yer uchastkalaridan soliq olinmaydi. Shuningdek, mazkur Qonunning ijrosi bo‘yicha qonunosti hujjatlar ham qabul qilinishi hamda amalga oshirish mexanizmi yaratilmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi
AQSHning Suriyadagi harbiy bazasiga raketalar hujum qildi