18:17 / 13.11.2019
1 531

Haydovchini bog‘lab qo‘yib, «Spark»ni olib qochgan shaxslar ushlandi

Haydovchini bog‘lab qo‘yib, «Spark»ni olib qochgan shaxslar ushlandi
Joriy yilning 11 noyabr kuni tungi 03:30larda Toshkent viloyatining Yangiyo‘l tumanida 3 nafar noma’lum shaxs kuch ishlatish yo‘li bilan "Spark" rusumli avtoulov haydovchisi, 1993 yilda tug‘ilgan fuqaro A.D.ning oyoq va qo‘lini bog‘lab, yo‘l yoqasida tashlab ketishgan.

Toshkent viloyati IIBB axborot xizmati xabariga ko‘ra, bu shaxslar haydovchi boshqaruvidagi “Spark” rusumli avtoulovni olib qochib ketishgan.

Mazkur holat yuzasidan olib borilgan tezkor surishtiruv ishlari jarayonida avtoulov Toshkent tumani “Chuvalachi” mahallasida harakatlanayotganligi aniqlanib, Toshkent tumani IIB va YHXB xodimlari tomonidan to‘sib ushlash yo‘li bilan qo‘lga olindi. Hozirda holat yuzasidan tergov harakatlari olib borilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)