Xususiy bandlik agentliklaridan pand yeb qolayotganlar soni kam emas. Keyingi oylarda shunaqa agentliklardan qanchasida jinoyatlar aniqlanmadi, deysiz. Mana, ular qatoriga yana bittasi qo‘shildi.
Bosh prokuratura huzuridagi Departament tomonidan (DXX xodimlari bilan hamkorlikda) o‘tkazilgan tezkor tadbirda «O. xususiy bandlik agentligi» MCHJ xodimlarining kirdikorlari aniqlandi. Ya’ni, mazkur sub’ekt mas’ullari ikki nafar fuqaroni aldab, ularning besh nafar qarindoshini «muammosiz Janubiy Koreyaga ishga yuborish»larini aytadi. Buning uchun esa «ishga ketayotganlar»ning har biri 7 000 AQSH dollaridan (jami 35 000 AQSH) naqd sanasa, kifoya ekan.
«Hojatbaror»larning taklifi shubhali ediki, darhol tegishli organga murojaat etdilar. Xususiy bandlik agentligi xodimlari 17500 AQSH dollarini olgan vaqtda ushlanib, tegishli surishtiruv o‘tkazilganda, shubhalar asossiz emasligi oydinlashdi.
E’tiborlisi, yuqoridagi besh nafar fuqaroni avvalroq «A.visa» MCHJ rahbari Sh.A. ham «Koreya Respublikasiga ishga yubormoqchi bo‘lib», bo‘nak sifatida 2500 AQSH dollarini olayotganda qo‘lga olingan ekan.
Bosh prokuratura matbuot xizmatiga ko‘ra, har ikki holat yuzasidan jinoyat ishi qo‘zg‘atilgan.
Tergov harakatlari davom etmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Sirdaryoda budjetga juda ko‘p miqdorda zarar yetkazgan mayning ferma aniqlandi
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Xotirani yaxshilashning juda oddiy usuli topildi