Foto: Facebook /@yoshlarittifoqi.uz
O‘zbekistonda Tadbirkorlik kodeksi loyihasi ishlab chiqiladi. Bu haqda Inson huquqlari bo‘yicha O‘zbekiston Respublikasining milliy strategiyasini amalga oshirish bo‘yicha «Yo‘l xaritasi»da aytilgan.
Qayd etilishicha, kodeks loyihasida quyidagilar nazarda tutiladi:
- tadbirkorlik faoliyati sohasidagi qonun hujjatlarini to‘liq kodifikatsiya qilish, milliy iqtisodiyotning bozor munosabatlariga o‘tishini hisobga olgan holda tadbirkorlik faoliyatini monopoliyaga qarshi tartibga solishni tubdan qayta ko‘rib chiqish;
- O‘zbekiston Respublikasida tadbirkorlik erkinligini ta’minlaydigan huquqiy, iqtisodiy va ijtimoiy shart-sharoitlar va kafolatlar, tadbirkorlik sub’ektlari va davlat o‘rtasidagi o‘zaro munosabatlar munosabati bilan yuzaga keladigan jamoatchilik munosabatlarini tartibga solish;
- tadbirkorlik erkinligi, insonning iqtisodiy huquq va erkinliklari sohasidagi xalqaro standartlarni hisobga olgan holda ishbilarmonlik muhitini yaxshilash;
- tadbirkorlik sub’ektlari faoliyatiga aralashganlik, tadbirkorlik sub’ektlari faoliyatini cheklash yoki to‘xtatib turish, ularga zarar yetkazishga qaratilgan noqonuniy va asossiz harakatlar (harakatsizlik) sodir etganlik uchun mansabdor shaxslarning javobgarligini kuchaytirish;
- tadbirkorlarning huquqlari va qonuniy manfaatlarini yanada himoya qilish masalalarida jamoatchilik nazorati mexanizmlarini joriy etishni ta’minlash.
Muddati - 2021 yil, mas’ul ijrochilar - Savdo-sanoat palatasi, Adliya vazirligi, Biznes ombudsman, Iqtisodiyot va sanoat vazirligi.
Shuningdek, O‘zbekiston Respublikasi Investitsiya kodeksi loyihasini ishlab chiqish mo‘ljallangan.
Unda:
- investitsiya faoliyatini davlat tomonidan tartibga solish, investorlar huquqlari kafolatlari va investitsiyalarni, shu jumladan, xorijiy investitsiyalarni, investitsiya faoliyatini davlat tomonidan qo‘llab-quvvatlashni, yangi va yuqori texnologiyalarga asoslangan ishlab chiqarishlarni himoya qilish masalalarini tartibga soluvchi masalalar;
- O‘zbekiston Respublikasi hududida investitsiya loyihalarini davlat ekspertizasidan o‘tkazish, xorijiy investorlar, bank va tijorat tashkilotlari faoliyatini tashkil etish tartibini belgilash rejalashtirilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi