Bemor istiqomat qiluvchi ko‘p qavatli uy va bemor xonadonida dezinfeksiya tadbirlari o‘tkazildi. Shu bilan birga, mazkur ko‘p qavatli uyda yashovchi 230 nafar fuqaro ro‘yxati shakllantirilib, tibbiy kuzatuvga olindi.
Sanitariya-epidemiologik osoyishtalik agentligi O‘zbekistonda qayd etilgan koronavirus infeksiyasi to‘g‘risida qo‘shimcha ma’lumot berdi.
«Joriy yilning 14 mart kuni Respublika Virusologiya ilmiy-tadqiqot instituti klinikasiga COVID-19 koronavirus infeksiyasiga gumon qilinib 1 nafar bemor yotqizilgan.
Bemor 2020 yilning 28 fevralidan 11 mart kuniga qadar Fransiya davlatida sayohatda bo‘lgan. 11 mart kuni soat 6:00da Parij-Toshkent 252-reysi bilan Toshkentga uchib kelgan. Toshkent xalqaro aeroporti sanitariya-karantin punktida termometriya hamda birlamchi tibbiy tekshiruvdan o‘tkazilgan va tekshiruv davomida kasallik belgilari aniqlanmagan. Asosiy yashash manziliga aniqlik kiritilib, uy sharoitida 14 kunlik tibbiy kuzatuvga olingan.
Joriy yilning 13 mart kuni bemor tomog‘ida qichishish, tana harorati ko‘tarilishi hamda yo‘tal belgilari bilan shifoxonaga yotqizilgan.
Bemordan 14 mart kuni koronavirus infeksiyasiga laboratoriya tahlili uchun Virusologiya ilmiy-tadqiqot instituti klinikasiga namuna olingan va 15 mart kuni soat 06:00da namuna javoblariga ko‘ra koronavirus infeksiyasi borligi tasdiqlangan.
Samolyotda bemor bilan 48 nafar yo‘lovchi kelgan. Ulardan 24 nafari tranzit yo‘lovchilar, 24 nafari O‘zbekistonda qolgan. Ularning 4 nafari Fransiya, 1 nafari Italiya va 1 nafari Braziliya fuqarolaridir.
O‘zbekistonda qolgan 24 nafar kishining asosiy yashash manzili bo‘yicha ro‘yxatlari shakllantirildi. Ularni 14 kunlik karantin o‘tkazishi uchun maxsus tayyorlangan muassasalarga joylashtirildi. Shuningdek, Islom Karimov nomidagi Toshkent xalqaro aeroportida 11 mart kuni faoliyat olib borgan 69 nafar chegara qo‘shinlari, bojxona, aeroport xodimlarining ro‘yxati shakllantirildi hamda maxsus muassasalarda 14 kunlik tibbiy kuzatuvga olindi.
Bemorning 10 nafar oila a’zolari to‘liq tekshiruvdan o‘tkazish uchun Virusologiya ilmiy-tadqiqot instituti klinikasiga joylashtirildi.
Bemor istiqomat qiluvchi ko‘p qavatli uy va bemor xonadonida dezinfeksiya tadbirlari o‘tkazildi. Shu bilan birga, mazkur ko‘p qavatli uyda yashovchi 230 nafar fuqaro ro‘yxati shakllantirilib, tibbiy kuzatuvga olindi.
Sog‘liqni saqlash vazirligi, Sanitariya-epidemiologik osoyishtalik agentligining malakali mutaxassislari tomonidan epidemiyaga qarshi profilaktik tadbirlar davom ettirilmoqda. Bu jarayonga barcha kuch va vositalar jalb qilingan, olib borilayotgan chora-tadbirlar to‘liq nazoratga olingan», deyiladi Sanitariya-epidemiologik osoyishtalik agentligi Jamoatchilik bilan aloqalar bo‘limi xabarida. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Davlat xavfsizlik xizmati maklerlarga qo‘shib mansabdorlarni ham qo‘lga oldi
Sirdaryoda budjetga juda ko‘p miqdorda zarar yetkazgan mayning ferma aniqlandi
Buxoro viloyatida «Neksiya-3» avtomashinasi buklanib qoldi
Erdo‘g‘on: «Isroil Gitlerdan ham o‘tib ketdi»
Shavkat Mirziyoyev va Emomali Rahmon bayonot bilan chiqdilar
Bayden va rafiqasining umumiy daromadi e’lon qilindi
